Блог
Главная »
2010 »
Февраль »
24 » Թուրքիայում ռազմական հեղաշրջման փորձի մասին
12:18 Թուրքիայում ռազմական հեղաշրջման փորձի մասին |
|
Թուրքիայում ռազմական հեղաշրջման փորձ նախապատրաստելու մեղադրանքով Ստամբուլի դատախազության որոշումով ձերբակալված գործող և նախկին զինվորականների թիվը հասել է 50-ի: Ինչպես հաղորդում են թուրքական ԶԼՄ-երը, ձերբակալվածների թվում են Թուրքիայի օդուժի և ծովուժի նախկին հրամանատարներ Իբրահիմ Ֆըրթընան և Օզդեն Օրնեքը, ինչպես նաև Առաջին բանակի նախկին հրամանատար Էրգին Սայգունը:
Ընդհանուր առմամբ, ձերբակալվել են 49 գործող և պաշտոնաթող զինվորականներ, այդ թվում 17 թոշակառու գեներալներ, 4 ծովակալներ, 27 սպաներ և մեկ ենթասպա: 2003 թ-ին հեղաշրջում նախապատրաստվելու մասին գործի հետաքննությունը սկսվել է ս.թ. հունվարին թուրքական «Թարաֆ» թերթում մի շարք սկանդալային հոդվածների հրապարակումից հետո:
Թուրքական զինված ուժերին հաճախակիորեն քննադատող հրատարակչությունը, մասնավորապես, հայտնել էր, որ Թուրքիայում ազդեցիկ բանակը, որը 1960 թ-ից ի վեր երեք անգամ հեղաշրջումներ է իրագործել, «Բալյոզ ծրագիր» (Կռան ծրագիր) է պատրաստել, որով նախատեսվում էր Ստամբուլի երկու մզկիթներ պայթեցնելու միջոցով լարվածություն ստեղծել և արտակարգ դրություն մտցնել երկրում: Բացի այդ, թերթի պնդմամբ, զինվորականները ծրագրել էին ճգնաժամ ստեղծել Թուրքիայի և Հունաստանի միջև, և հանուն դրա պատրաստ էին թուրքական քաղաքացիական ինքնաթիռ խփել Էգեյան ծովի երկնքում:
|
|
Просмотров: 570 |
Добавил: Voskanapat
| Рейтинг: 0.0/0 |
