Блог
Главная »
2010 » Февраль » 15 » Թուրքիայի վարչապետը նախապատրաստվում է ապրիլի 24-ին
13:28 Թուրքիայի վարչապետը նախապատրաստվում է ապրիլի 24-ին |
Թուրքիայի վարչապետ Ռեջեփ Թայիփ Էրդողանը կրկին մեկնելու է ԱՄՆ` մասնակցելու ապրիլի 14-ին ՄԱԿ-ի անվտանգության խորհրդի անդամների մասնակցությամբ անցկացվելիք «Միջուկային անվտանգություն» համաժողովին:
Սպիտակ տան կողմից կազմակերպված համաժողովին կմասնակցեն ՌԴ նախագահ Դմիտրի Մեդվեդևը, Ֆրանսիայի նախագահ Նիկոլա Սարկոզին, Անգլիայի վարչապետ Գորդոն Բրաունը և այլոք:
Թուրքական Aksam-ի փոխանցմամբ` Իրանի միջուկային խնդրի հետ կապված տվյալ համաժողովին Թուրքիայի վարչապետ Էրդողանի մասնակցելը նաև այլ նպատակ է հետապնդում: Ապրիլի 24-ից առաջ ԱՄՆ-ում Թուրքիայի վարչապետը հայ-թուրքական հարաբերությունների հետ կապված ելույթով է հանդես գալու: Էրդողանը կմասնակցի «Ամերիկյան թուրքերի համաժողովի» կողմից ապրիլի 11-ից 14-ը կազմակերպվելիք «թուրք-ամերիկյան հարաբերություններ» անունը կրող կոնֆերանսին:
Ապրիլի 24-ից առաջ, հիշյալ կոնֆերանսին Թուրքիայի վարչապետ Էրդողանի ելույթը կարևոր նշանակություն է ունենալու թե՛ Թուրքիա-ԱՄՆ, թե՛ Թուրքիա- Հայաստան հարաբերությունների համատեքստում:
|
|
Просмотров: 603 |
Добавил: Voskanapat
| Рейтинг: 0.0/0 |
