Блог
Главная »
2010 » Февраль » 24 » Թուրքիայի դատարանը ձերբակալել Է յոթ զինվորականների
13:27 Թուրքիայի դատարանը ձերբակալել Է յոթ զինվորականների |
Ստամբուլի դատարանը փետրվարի 24-ին արտոնել Է յոթ մարդու ձերբակալումը այն գրեթե 50 գործող ու պաշտոնաթող զինվորականներից, որոնք երկուշաբթի կալանքի տակ Էին վերցվել պետական հեղաշրջում պատրաստելու մեղադրանքով: Այդ մասին տեղեկատվություն են տարածել թուրքական ԶԼՄ-ները: Ձերբակալածների թվում են երկու գործող ծովակալ, երեք պաշտոնաթող ծովակալ և երկու գնդապետ: Նրանց մեղադրանք Է առաջադրվել «Թուրքիայի Հանրապետության կառավարությունը տապալելու փորձ կատարելու նպատակով ուժ կիրառելու» հոդվածով:
Դատարանը նաև կալանքից ազատել Է վեց մարդու: Դատախազները շարունակում են մյուս կալանավորվածների հարցաքննությունը: Միևնույն ժամանակ նրանք լիազորված չեն հարցաքննել կալանքի տակ գտնվող ռազմածովային և ռազմաօդային ուժերի նախկին գլխավոր հրամանատարներ Իբրահիմ Ֆըրտընին և Օզդեն Օռնեկին, քանի որ, գործող օրենսդրության համաձայն՝ այդ կարգի նախկին զինվորականների նկատմամբ հետաքննչական գործողություններ կարող են կատարել միայն Ստամբուլի գլխավոր դատախազը կամ նրա տեղակալները:
CNN Turk հեռուստաալիքի հաղորդման համաձայն՝ Ստամբուլի գլխավոր դատախազը հիվանդացել Է և հայտնի չԷ՝ երբ կվերադառնա աշխատանքի: 2003 թվականին հեղաշրջում նախապատրաստելու գործի հետաքննության շրջանակներում ընդամենը կալանավորվել են 49 գործող և պաշտոնաթող զինվորականներ, այդ թվում՝ պաշտոնաթող 17 գեներալ և չորս ծովակալ: Ձերբակալությունների հետ կապված իրադրությունը գնահատելու համար նախօրյակին Թուրքիայի գլխավոր շտաբի ղեկավարությունն արտակարգ խորհրդակցություն Է անցկացրել զինված ուժերի հրամանատարական ողջ կազմի հետ:
|
|
Просмотров: 597 |
Добавил: Voskanapat
| Рейтинг: 0.0/0 |
