Ստամբուլի դատարանը Թուրքիայի ամենահարուստ մարդկանցից մեկին՝ «Չուկուրովա» մայր ընկերության և «Թյուրքսել» երկրում խոշորագույն բջջային գործարկուի սեփականատեր Մեհմետ Էմին Կարամեհմետին դատապարտել Է 11 տարվա և ութ ամսվա բանտարկության՝ «Փամուկբանկ» բանկի կապիտալի վատնման համար, ժամանակին որի սեփականատերն Է եղել ինքը: Այդ մասին այսօր հաղորդել են տեղական զանգվածային լրատվամիջոցները:
Դատարանը նաև գործարարին պարտավորեցրել Է վճարելու 312 միլիոն դոլարի չափով տուգանք, նշել Է «Խաբերթյուրք» թերթը: Կարամեհմետն առայժմ կալանքի տակ չի վերցվել, բայց նրան արգելված Է երկրից դուրս գալ: Գործարարի փաստաբանները, որը 2008 թվականին, «Ֆորբս» հանդեսի համաձայն, Թուրքիայի ամենահարուստ մարդկանց ցուցակում եղել Է երկրորդ տեղում (նրա կապիտալը կազմել Է 2,8 միլիարդ դոլար), հայտարարել են դատական վճիռը բողոքարկելու մտադրության մասին: Թուրքիայում գործող օրենսդրության համաձայն, ստորին ատյանի դատարանի վճիռը պետք Է հաստատի Վերաքննիչ դատարանը:
Կարամեհմետի և «Փամուկբանկ»-ի, որը պետության սեփականությանն Է անցել 2002 թվականին, վարչության 11 ներկայացուցիչների դեմ գործի հարուցման համար պատճառ են դարձել վարկերն օգտագործելու ժամանակ կատարված մեքենայությունները: Ըստ իր իսկ գործարարի հայտարարության՝ ինքը Բանկային ավանդների խնայողությունների և ապահովագրման հիմնադրամին Է վճարել 4,2 միլիարդ դոլար, ինչի համար վաճառել Է «Թյուրքսել» բջջային գործարկուի ակտիվների մի մասը և իր «Յափի Քրեդի» երկրորդ բանկը: «Չուկուրովա» մայր ընկերության ներկայացուցիչները դատարանին են ներկայացրել փաստաթղթեր, որոնցից պարզ Է դառնում, որ Հիմնադրամին բոլոր պարտքերը վճարվել են, գրել Է «Միլիեթ» թերթը:
|
