Блог
Главная »
2010 » Февраль » 6 » Սեյրան Օհանյանը Պոլսո Հայոց պատրիարքարանում
14:09 Սեյրան Օհանյանը Պոլսո Հայոց պատրիարքարանում |
Հայաստանի պաշտպանության նախարար Սեյրան Օհանյանը, ով գտնվում է Ստամբուլում ՆԱՏՕ-ի անդամ երկրների պաշտպանության նախարարների ոչ պաշտոնական համաժողովին մասնակցելու նպատակով, այցելել է Պոլսո Հայոց պատրիարքարան։ Այս մասին տեղեկացնում է Պոլսո Հայոց պատրիարքարանը։
Հայաստանից ժամանած բարձրաստիճան հյուրին պատրիարքարանի մուտքի մոտ դիմավորել է պատրիարքարանի հոգևոր խորհրդի առաջնորդ արքեպիսկոպոս Արամ Աթեշյանը։ Հայաստանի պաշտպանության նախարարին ուղեկցել են Սուրբ Աստվածածին Մայր տաճար, այնուհետ պատրիարքարանի դահլիճում հանդիպում է տեղի ունեցել Պոլսո հայ համայնքի ներկայացուցիչների հետ։
Հայաստանցի նախարարին բարի գալուստ է մաղթել և ուղերձով հանդես եկել տեղի «Ժամանակ» օրաթերթի խմբագիր Արա Գոչունյանը։
Պաշտպանության նախարար Սեյրան Օհանյանը շնորհակալություն է հայտնել ցուցաբերած հյուրասիրության համար, ապա այցելել Հովհաննես Կոլոտ պատրիարքի անվան թանգարան։ Այնուհետ բարձրաստիճան հյուրն իր տպավորություններն է թողել պատվո տոմարի մեջ:
«Ես խոնարհվում եմ մեր ժողովրդի պատմության, մեր հավատքի առաջ, որը ուժի հետ միասին նպաստել է մեր պատմության կերտմանը, և երախտապարտ եմ այն մարդկանց, ովքեր չափազանց դժվար պայմաններում այս ամենը պահպանում ու փոխանցում են սերնդեսերունդ»,- պատվո տոմարում գրել էր Սեյրան Օհանյանը:
|
|
Просмотров: 705 |
Добавил: Voskanapat
| Рейтинг: 0.0/0 |
