Անկարայի հակաիսրայելական դիրքորոշումը, գրում է թերթը, նախատեսված է արտաքին աշխարհի համար, իսկ իրականում Թուրքիայի ԱԳՆ-ը և զինված ուժերի գլխավոր շտաբը շարունակում են սերտ հարաբերություններ պաշտպանել Իսրայելի պաշտպանության նախարարության հետ: Թուրքիայի պաշտպանության նախարարը հայտարարում է երկու երկրների ընդհանուր քաղաքական հետաքրքրությունների և պաշտպանության բնագավառում համատեղ նախագծերի իրագործման մասին:
Մեկնաբանը, որպես թուրքական կառավարող վարչակազմի «իրական դեմքի» երևակում, նշում է Աֆղանստանում արևմտյան երկրների հետ համատեղ թուրք զինծառայողների կողմից անցկացվող ռազմական գործողությունները, Ինջիռլիքի ռազմական բազան ամերիկացիների օգտագործմանը հանձնելը, որտեղից ԱՄՆ օդուժը հարվածներ է հասցրել Իրաքի վրա, ինչպես նաև Թուրքիայի կողմից շարունակաբար շեշտվող «հպարտությունը»` ԱՄՆ հետ դաշնակից լինելու մասին:
Նրա խոսքերով, շատ բարդ է հասկանալ թուրքական կառավարող ռեժիմի իրական դեմքը. «Արդյո՞ք նա դեմ է Իսրայելին: Համերաշխանում է արաբների և մահմեդականների հետ, թե՞, հետևելով Իսրայելի հետ միության ինչ-ինչ նպատակների, ձգտում է հակառակորդ երևալ Իսրայելին»: Հոդվածից հետևյալ եզրակացությունն է արվում. «Իսլամն է բերել ԱԶԿ-ին իշխանության, այդ պատճառով, նա շարունակում է պահպանել իսլամական բնույթ: Միևնույն ժամանակ, ԱԶԿ-ը բազմիցս հայտարարել է, որ չի ցանկանում քայքայել աշխարհիկ հանրապետության հիմքերը»:
Անցյալ տարի դավոսյան համաժողովում Թուրքիայի վարչապետ Ռեջեբ Թայիփ Էրդողանի պահվածքը Բահիր Սալիհը գնահատում է որպես «թատերական ներկայացում», պոպուլիստական քայլ` ուղղված այն ժամանակ սկսվող տեղական ընտրություններում մահմեդական ընտրողների ձայների նվաճմանը: «Իսկ միջազգային հրապարակում Թուրքիան ընդսմին շարունակում է պահել իրեն որպես ԱՄՆ-ի լավ դաշնակից: Վաշինգտոնն էլ չի ցանկանում կորցնել նման դաշնակցին, որը «տրոյական ձիու» դեր է խաղում Մերձավոր Արևելքում ամերիկյան քաղաքականության մեջ», -եզրահագել է արաբ մեկնաբանը: Արմենպրես
