Блог
Главная »
2010 » Февраль » 13 » Ոստիկանության պետի կարիերան Ադրբեջանում
15:46 Ոստիկանության պետի կարիերան Ադրբեջանում |
Աշխատանքում թերացումների համար Սումգայիթի և Քյուրդամիրի ոստիկանական բաժանմունքների պետի պաշտոնից հեռացված Մեհդի Հումբաթովը նշանակվել է Բաքվի ոստիկանության գլխավոր վարչության քրեական հետախուզության բաժնի պետ, հայտնել է ադրբեջանական «Ազադլըգ» թերթը:
2009 թ-ի նոյեմբերին թերթը հայտնել էր Ադրբեջանի ազգային անվտանգության նախարարության աշխատակիցների կողմից Քյուրդամիրի շրջանի ոստիկանական բաժանմունքի պետ Մեհդի Հումբաթովին ձերբակալելու և Բաքու փոխադրելու մասին: Մեհդի Հումբաթովը մեղադրվել է Թարթառի շրջանի ոստիկանության օպերլիազոր Զաբիլ Իսմայիլովի սպանությունը պատվիրելու մեջ, ով սպանվել է 1996 թ-ի սեպտեմբերի 2-ին: Այդ ժամանակ Հումբաթովը եղել է Թառթառի ոստիկանության ղեկավարը:
Ըստ տեղեկությունների, Զաբիլ Իսմայիլովը Հումբաթովին պատկանող թմրանյութերի տնկադաշտեր է հայտնաբերել նրա բնակության վայր Ջամիլլի գյուղում: Դրանից հետո, օպերլիազորն անհայտացել է: Երեք ամիս հետո նրա դին հայտնաբերվել է և փորձաքննությունը ցույց է տվել, որ նա սպանվել է հրազենից: Մինչ Քյուրդամիրի ոստիկանապետ դառնալը Մեհդի Հումբաթովը եղել է Սումգայիթի ոստիկանության պետը:
Ադրբեջանի ներքին գործերի նախարարության կողմից 5-6 ամիս այդտեղ անցկացված ստուգումների արդյունքում նա ազատվել է զբաղեցրած պաշտոնից և նշանակվել Քյուրդամիրի ոստիկանության ղեկավար: Այն ժամանակ տեղեկություն է տարածվել, որ Մեհդի Հումբաթովին Սումգայիթից Քյուրդամիր աքսորելու պատճառը քաղաքում թմրանյութերի զանգվածային շրջանառության կտրուկ աճն է և որևէ պայքարի բացակայությունն այդ երեւույթի դեմ:
|
|
Просмотров: 621 |
Добавил: Voskanapat
| Рейтинг: 0.0/0 |
