Блог
Главная »
2010 »
Февраль »
20 » Նշվեց Արամ Մանուկյանի ծննդյան 130-ամյակը
14:04 Նշվեց Արամ Մանուկյանի ծննդյան 130-ամյակը |
Ալ. Սպենդիարյանի անվան օպերայի և բալետի ազգային ակադեմիական թատրոնում փետրվարի 19-ին մեծ հանդիսավորությամբ նշվեց Հայաստանի առաջին Հանրապետության հիմնադիր, ականավոր պետական-քաղաքական գործիչ Արամ Մանուկյանի ծննդյան 130-ամյակը: Միջոցառմանը ներկա էին Հայաստանի Հանրապետության վարչապետ Տիգրան Սարգսյանը, ՀՀ մշակույթի նախարար Հասմիկ Պողոսյանը, մի շարք քաղաքական գործիչներ, այլք: Ներկայացվեց Ա. Մանուկյանի կենսագրությունը, ինչպես նաև` նրա գործունեության որոշ դրվագներ վեր հանող տեսաֆիլմ:
Երաժշտական և պարային կատարումներով հանդես եկան «Սարդարապատ» և «Ակունք» համույթները, հայկական երգարվեստի կատարողներ: Նշենք, որ Արամ Մանուկյանը ծնվել է 1879թ-ին Շուշի քաղաքում` արհեստավորի ընտանիքում: ՆԱ ՀՅԴ և Թիֆլիսի Հայոց ազգային խորհրդի անդամ էր: Առաջին աշխարհամարտը սկսվելուն պես ղեկավարել է Վանի հերոսամարտը, որի շնորհիվ 1915-ին Վանը փրկվել է ջարդից, և Ա. Մանուկյանը հռչակվել է նահանգապետ: Նա զբաղվել է Վասպուրականի և այլ վայրերի գաղթականների հարցերով: Ա. Մանուկյանը Սարդարապատի հերոսամարտի կազմակերպիչներից էր:
|
|
Просмотров: 616 |
Добавил: Voskanapat
| Рейтинг: 0.0/0 |
