Блог
Главная »
2010 »
Февраль »
15 » Նոր բախումներ քրդերի և թուրք ոստիկանների միջև
13:36 Նոր բախումներ քրդերի և թուրք ոստիկանների միջև |
Այսօր փետրվարի 15-ին լրանում է Թուրքիայի Իմրալի կղզում ցմահ բանտարկված PKK-ի առաջնորդ Աբդուլլահ Օջալանի ձերբակալման 11-րդ տարին: Սա կրկին առիթ է հանդիսացել, որպեսզի Թուրքիայի մի շարք քաղաքներում բողոքի երթեր և բախումներ տեղի ունենան:
Թուրքական ոստիկանությունը դեռ օրեր առաջ սկսել է ձերբակալել զանգվածային անկարգություններ կազմակերպելու մեջ կասկածվող անձանց, սակայն դա դրությունը չի փրկել, քանի որ միայն փետրվարի 14-ին մի շարք քաղաքներում բողոքի ակցիաներ և լուրջ բախումներ են տեղի ունեցել ոստիկանության հետ:
Ուրֆա քաղաքում քրդական «Խաղաղություն և ժողովրդավարություն» կուսակցության առաջնորդությամբ տեղի է ունեցել հանրահավաք, որից հետո որոշում է կայացվել երթ իրականացնել, ինչին դեմ են դուրս եկել ոստիկանության մեծաքանակ ուժերը: Քրդական կուսակցության պատգամավոր Իբրահիմ Բինիջին վիճաբանության մեջ է մտել ոստիկանության հետ և թույլտվություն ստացել առանց կարգախոսների իրականացնել երթը: Սակայն երթի մասնակիցներն ամբողջ երթի ընթացքում վանկարկում էին կարգախոսներ PKK-ի և Աբդուլահ Օջալանի օգտին: Ցուցարարների հետ քայլել է նաև Աբդուլահ Օջալանի եղբայր Մեհմեդ Օջալանը: Երթից հետո ձերբակալվել է 10 ցուցարար:
Հաքքարիում և Յուքսեքովայում տեղի են ունեցել անմիջական բախումներ ոստիկանության և հավաքված քուրդ ցուցարարների միջև: Ցուցարարները բարիկադներ են կառուցել և քարկոծել ոստիկանությանը, նրանց ուղղությամբ նետել բոցավառվող շշեր: Նրանց ցրելու համար ոստիկանները օգտագործել են արցունքաբեր գազ և ջրցան մեքենաներ:
Մերսինում նույնպես պահպանվել է լարվածությունը: Այստեղ փետրվարի 15-ին բողոքի անօրինական ակցիաներ կազմակերպելու կասկածանքով ձերբակալվել է 44 հոգի:
|
|
Просмотров: 607 |
Добавил: Voskanapat
| Рейтинг: 0.0/0 |
