Блог
Главная »
2010 » Февраль » 15 » Մամեդյարովի հայտարարությունը ղարաբաղյան հակամարտության մասին
13:41 Մամեդյարովի հայտարարությունը ղարաբաղյան հակամարտության մասին |
Ադրբեջանը շահագրգռված է Մադրիդյան սկզբունքների նորացված տարբերակի ընդունման մեջ: Այդ մասին փետրվարի 15-ին լրագրողների հետ հանդիպմանը հայտարարել է Ադրբեջանի ԱԳՆ ղեկավար Էլմար Մամեդյարովը:
«Ես վերջերս զրուցել եմ Ռուսաստանի ԱԳՆ ղեկավար Սերգեյ Լավրովի հետ, և նա ասաց, թե հայկական կողմը դեռ չի ներկայացրել իր առաջարկությունները հիմնարար սկզբունքների չհամաձայնեցված պահերի կապակցությամբ»,- հայտարարել է Մամեդյարովը:
Նրա խոսքով, Ադրբեջանի դիրքորոշումը հստակ է, երկիրը Լեռնային Ղարաբաղի ապագա կարգավիճակը տեսնում է Ադրբեջանի կազմում՝ հայ և ադրբեջանական համայնքների համատեղ բնակության պայմաններում:
Ադրբեջանի ԱԳ նախարարը նշել է նաև, որ կարգավորման գործընթացն առաջ է ընթանում, և Բաքուն շահագրգռված է Մադրիդյան սկզբունքների նորացված տարբերակի ընդունման մեջ: «Եթե գործընթացն արգելակվի, հարց կծագի՝ ի՞նչ է լինելու հետո: Եվ այդ հարցը բանակցությունների մյուս մասնակիցները պետք է տան իրենք իրենց»,- ասել է Մամեդյարովը:
|
|
Просмотров: 614 |
Добавил: Voskanapat
| Рейтинг: 0.0/0 |
