Блог
Главная »
2010 » Февраль » 20 » ԼՂՀ նախագահի այցը Պաշտպանության բանակի զորամասեր
14:18 ԼՂՀ նախագահի այցը Պաշտպանության բանակի զորամասեր |
Արցախի Հանրապետության նախագահ Բակո Սահակյանը փետրվարի 19-ին այցելել է ԼՂՀ պաշտպանության բանակի` առաջնային գծի կենտրոնական և հարավ-արևելյան ուղղությամբ տեղակայված մի շարք զորամասեր: Ինչպես տեղեկացրել են ԼՂՀ նախագահի աշխատակազմի տեղեկատվության գլխավոր վարչությունից, հանրապետության զինված ուժերի գերագույն գլխավոր հրամանատարը լսել է մարտական հերթապահություն իրականացնող հրաձգային ստորաբաժանումների հրամանատարների զեկույցները, ծանոթացել պաշտպանական համակարգի ամրապնդմանն ուղղված աշխատանքներին և ծառայության ընթացքում աչքի ընկած լավագույն զինծառայողներին պարգևատրել հուշանվերներով:
Բակո Սահակյանը ներկա է գտնվել տանկահրաձգային և հրաձգային վարժություններին: Նախագահն այցելել է նաև գումարտակներից մեկի սպայական ավան և տեղում ծանոթացել այնտեղ իրականացվող շինարարական աշխատանքներին: Նույն օրը երկրի ղեկավարն այցելել է նաև Մարտունու շրջկենտրոն և աշխատանքային խորհրդակցություն անցկացրել շրջանի և համայնքների ղեկավարների մասնակցությամբ:
2009 թվականին շրջանում կատարված աշխատանքների և 2010 թվականին իրականացվելիք ծրագրերի վերաբերյալ զեկույցով հանդես է եկել Մարտունու շրջվարչակազմի ղեկավար Լյուդմիլա Ազիզյանը: Նախագահն ընդգծել է, որ շրջանի զարգացմանը նոր որակ հաղորդելու համար անհրաժեշտ է առաջին հերթին ուժեղացնել կարգապահությունը և վարել ճիշտ կադրային քաղաքականություն: Բակո Սահակյանը կոնկրետ հանձնարարականներ է տվել շրջանի պատասխանատուներին` համապատասխան ոլորտներում աշխատանքների պատշաճ կազմակերպման ուղղությամբ:
|
|
Просмотров: 705 |
Добавил: Voskanapat
| Рейтинг: 0.0/0 |
