Блог
Главная »
2010 » Февраль » 16 » Կհամագործակցեն ՀՀ Ազգային անվտանգության ու Ֆրանսիայի ազգային անվտանգության և պաշտպանության խորհուրդները
14:14 Կհամագործակցեն ՀՀ Ազգային անվտանգության ու Ֆրանսիայի ազգային անվտանգության և պաշտպանության խորհուրդները |
Աշխատանքային այցով Ֆրանսիայի Հանրապետությունում գտնվող Ազգային անվտանգության խորհրդի քարտուղար Արթուր Բաղդասարյանը հունվարի 15-ին հանդիպել է Ֆրանսիայի ազգային անվտանգության և պաշտպանության գլխավոր քարտուղար Ֆրանսիս Դելոնի հետ: Ինչպես «Արմենպրես»-ին տեղեկացրին Ազգային անվտանգության խորհրդի քարտուղարի մամուլի գրասենյակից, Արթուր Բաղդասարյանն ու Ֆրանսիս Դելոնը փոխադարձաբար ներկայացրել են Հայաստանի Ազգային անվտանգության և Ֆրանսիայի Ազգային անվտանգության ու պաշտպանության խորհուրդների գործառույթները:
Քննարկվել են երկու կառույցների միջև հնարավոր համագործակցության շրջանակները: Պայմանավորվածություն է ձեռք բերվել Ֆրանսիայի և Հայաստանի անվտանգության խորհուրդների համագործակցության մասին: Կողմերն անդրադարձել են նաև հարավկովկասյան տարածաշրջանին առնչվող խնդիրների: Քննարկվել են հայ-թուրքական հարաբերություններին և ԼՂ հիմնախնդրի կարգավորմանը վերաբերող հարցեր: Հյուրընկալող կողմի խնդրանքով Արթուր Բաղդասարյանը ներկայացրել է Հայաստանի դիրքորոշումը նշված խնդիրների վերաբերյալ: Նա մասնավորապես նշել է, որ Հայաստանը կողմ է հարևան երկրների հետ հարաբերությունների կարգավորմանը, և տարածաշրջանում երկարատև խաղաղության ու կայունության հաստատմանը: Ա.Բաղդասարյանը Ֆ. Դելոնին հրավիրել է Հայաստան: Հրավերը սիրով ընդունվել է:
Ա.Բաղդասարյանը հանդիպել է նաև Ֆրանսիայի նախագահի դիվանագիտական խորհրդական Ժան-Դավիթ Լևիտի հետ: Քննարկվել են Հայաստան-Ֆրանսիա երկկողմ հարաբերություններին և հարավկովկասյան տարածաշրջանին առնչվող հարցեր: Կարևորվել է հայ-ֆրանսիական համագործակցության խորացումը բոլոր ուղղություններով: Անդրադարձ է եղել Հայաստանի` եվրոպական ինտեգրացման խնդիրներին:
|
|
Просмотров: 606 |
Добавил: Voskanapat
| Рейтинг: 0.0/0 |
