Блог
Главная »
2010 » Февраль » 11 » Իրանը չի պատրաստվում ի հաճույս Արեւմուտքի հրաժարվել Ռուսաստանի հետ համագործակցությունից
15:09 Իրանը չի պատրաստվում ի հաճույս Արեւմուտքի հրաժարվել Ռուսաստանի հետ համագործակցությունից |
Իրանը երբեք Ռուսաստանին չի օգտագործել իր նպատակներին հասնելու համար և չի պատրաստվում Արեւմուտքին հաճոյանալու համար հրաժարվել նրա հետ համագործակցությունից: Այս կարծիքը Իրանի նախագահ Մահմուդ Ահմադինեժադը հայտնել Է VIP-Premier ռուսաստանյան ամսագրին տված հարցազրույցում, որը կտպագրվի մոտ ժամանակներս:
«Մենք Ռուսաստանի հետ հարեւաններ ենք և պետք Է համագործակցենք, այլ ոչ թե դիմակայենք միմյանց,-նշել Է նա,-Մենք ունենք ընդհանուր շահեր և բախվում ենք ընդհանուր մարտահրավերների»: «Բայց համագործակցությունը, մասնավորապես, նավթի բնագավառում, դանդաղ Է առաջ ընթանում: Արևմտյան ընկերությունները մեծ կապիտալ ներդրումներ են արել մեր նավթի ճյուղում, իսկ ռուսաստանյան ընկերություններն այնտեղ չկան, թեև մենք հայտարարում Էինք ակտիվորեն համագործակցելու մեր պատրաստակամության մասին»,-նշել Է Ահմադինեժադը:
Անդրադառնալով գազի փոխադրմանն ու վերամշակմանը՝ Իսլամական Հանրնապետության նախագահն ասել Է, որ Իրանը «ձգտում Է բաց ու կառուցողական համագործակցության»: «Իրանը նավթի ու գազի տարանցման լավագույն ճանապարհն Է: Մենք Թուրքմենստանի ու Ղազախստանի հետ պայմանագրեր ենք կնքել երկաթուղային ցանցերի շինարարության ու միավորման մասին: Այժմ Իրանում գազամուղը Կասպից ծովից ձգվում Է մինչև Օմանի ծոց»,-հիշեցրել Է Ահմադինեժադը:
Դրա հետ մեկտեղ գազի ոլորտում Իրանը եռակողմ ձևաչափով «համագործակցում Է Ռուսաստանի և Քատարի հետ»: «Մենք երբեք Ռուսաստանը որպես միջոց չենք դիտել մեր նպատակներին հասնելու համար: Մենք չենք պատրաստվում Արևմուտքին հաճոյանալու համար հրաժարվել Ռուսաստանի հետ փոխհարաբերույուններից: Այո, մենք ձգտում ենք զարգացնել հարաբերությունները մեր երկրների միջև և դրանք գնահատում ենք որպես ռազմավարական: Նույնպիսի մոտեցում ենք ակնկալում Ռուսաստանից»,-ընդգծել Է Իրանի նախագահը: Աղբյուրը` Արմենպրես
|
|
Просмотров: 658 |
Добавил: Voskanapat
| Рейтинг: 0.0/0 |
