Блог
Главная »
2010 » Февраль » 24 » Իրանում հարստացված ուրանը փոխանակելու մասին
12:14 Իրանում հարստացված ուրանը փոխանակելու մասին |
Իրանը վերստին հայտարարել Է Թեհրանի միջուկային ռեակտորի համար վառելիք գնելու կամ իր տարածքում ցածրհարստացված ուրանը լրահարստացվածով փոխանակելու պատրաստակամության մասին: Ինչպես փետրվարի 23-ին հաղորդել Է «Ֆրանսպրես»-ը, այդ մասին հայտնի Է դարձել այն նամակից, որը Թեհրանը Ատոմային Էներգիայի միջազգային գործակալությանն Էր ուղարկել փետրվարի 18-ին, և որը հայտնվել Է գործակալության տրամադրության տակ: «Ես կցանկանայի իմ կառավարության անունից տեղեկացնել ՄԱԳԱՏԷ-ին, որ Իրանը նախկինի պես քննարկում Է կանխիկ գումարով վառելիք գնելու տարբերակը»,-նշել Է ՄԱԿ-ի ատոմային գործակալությանն առընթեր Իրանի ներկայացուցիչ Ալի Աշգար Սոլթանին ՄԱԳԱՏԷ-ի ղեկավար Յուկիա Ամանոյին հղած ուղերձում:
«Սակայն եթե գործակալությունը չի կարող կատարել իր պարտավորությունները… այդ դեպքում Իրանը պատրաստ Է Նաթանզի գործարանի ցածրհարստացված ուրանը Իրանի տարածքում փոխանակել լրահարստացված վառելիքով»,-ասված Է Իրանի նամակում: Ավելի վաղ Իրանը հիասթափություն Է հայտնել իր միջուկային ծրագրի վերաբերյալ ՄԱԳԱՏԷ-ի գլխավոր տնօրեն Յուկիա Ամանոյի՝ օրերս ներկայացրած զեկույցից: «Մենք ակնկալում Էինք, որ ՄԱԳԱՏԷ-ն իր հեղինակությունը պահպանելու համար զերծ կմնա խնդրի քաղաքականացումից և չի կատարի առանձին պետությունների կամքը: Հարկ Է, որ գործակալությունը իրանական խաղաղ միջուկային գործունեությունը դիտարկի իրավական տեսանկյունից»,-հայտարարել Է Իսլամական Հանրապետության արտգործնախարարության պաշտոնական ներկայացուցիչ Ռամին Մեհմանպարաստը:
|
|
Просмотров: 580 |
Добавил: Voskanapat
| Рейтинг: 0.0/0 |
