Блог
Главная »
2010 » Февраль » 18 » Իրանին Ս-300 հրթիռային համալիրների մատակարարման ժամկետը կորոշվի ավելի ուշ
17:27 Իրանին Ս-300 հրթիռային համալիրների մատակարարման ժամկետը կորոշվի ավելի ուշ |
|
Իրանին ռուսաստանյան Ս-300 զենիթահրթիռային համալիրների մատակարարման ժամկետը կորոշվի ավելի ուշ: Այդ մասին լրագրողներին հայտնել է Ռազմատեխնիկական համագործակցության դաշնային ծառայության տնօրեն Միխայիլ Դմիտրիևը: «Համագործակցությունը շարունակվում է: Կոնկրետ երբ կսկսվեն մատակարարումները, կորոշվի ավելի ուշ»,- ասել է Դմիտրիևը: Նախօրյակին Ռուսաստանի ռազմատեխնիկական համագործակցության դաշնային ծառայության առաջին փոխտնօրեն Ալեքսանդր Ֆոմինը հայտնել Էր, որ Ռուսաստանն Իրանին Ս-300 զենիթահրթիռային համակարգեր կմատակարի այն բանից հետո, երբ կվերացվեն բացահայտված տեխնիկական թերությունները:
«Ձգձգումը կապված Է տեխնիկական խնդիրների հետ: Մատակարարումը կիրականացվի, երբ դրանք վերացվեն»,- ասել Է Ֆոմինը: Նա չի ճշտել, թե ինչ տեխնիկական խնդիրների մասին Է խոսքը և որքան ժամանակ կպահանջվի դրանք վերացնելու համար: Ավելի վաղ Աշխարհաքաղաքական հիմնախնդիրների ակադեմիայի նախագահ գեներալ-գնդապետ Լեոնիդ Իվաշովը հայտարարել Էր, թե Ռուսաստանի կողմից Իրանին Ս-300 զենիթահրթիռային համալիրների հնարավոր մատակարարումը կարող էր ամրապնդել այդ երկրի պաշտպանական ներուժը ի դեպս ԱՄՆ-ի և Իսրայելի կողմից հնարավոր ռազմական հարվածի:
«Ինքնապաշտպանության համար Իրանին այժմ անհրաժեշտ է ունենալ ըստ կարելվույն շատ պաշտպանողական սպառազինություն, ներառյալ հակաօդային պաշտպանության միջոցները»,- ասել է նա: Միևնույն ժամանակ գեներալը կասկած է հայտնել, որ Ռուսաստանը կհամաձայնի հակաօդային պաշտպանության միջոցներ մատակարարել Իրանին: «Ես խիստ կասկածում եմ, որ ներկա իրավիճակում Ռուսաստանը կվճռի Ս-300 զենիթահրթիռային համալիրներ մատակարարել Իրանին կամ Սիրիային»,- ասել է Իվաշովը:
|
|
Просмотров: 676 |
Добавил: Voskanapat
| Рейтинг: 0.0/0 |
