Блог
Главная »
2010 » Февраль » 17 » Իրանի ղեկավարը «բացահայտ կեղծիք» Է անվանել ԱՄՆ-ի պետքարտուղարի արած հայտարարությունները
19:31 Իրանի ղեկավարը «բացահայտ կեղծիք» Է անվանել ԱՄՆ-ի պետքարտուղարի արած հայտարարությունները |
Իրանի վերաբերյալ ԱՄՆ-ի պետքարտուղար Հիլարի Քլինթոնի վերջերս արած հայտարարությունները բացահայտ կեղծիք են: Այդ մասին փետրվարի 17-ին հայտարարել Է Իրանի հոգևոր առաջնորդ և գերագույն ղեկավար այաթոլլա Ալի Խամենեին: Նրա խոսքով՝ Իրանի վերաբերյալ ստեր տարածելու նպատակով ԱՄՆ-ը «իր հանձնակատարներին ուղարկում Է» Պարսից ծոցի երկրներ, «տարածաշրջան, որը նրանք փաստորեն վերածել են զինանոցի, որպեսզի դրանից փող քամեն»:
ԱՄՆ-ի պետքարտուղար Հիլարի Քլինթոնն օրերս հայտարարել Էր, թե ԱՄՆ-ը գտնում է, որ Իրանի զինուժերի էլիտային ստորաբաժանումը` Իսլամական հեղափոխության պահապանների կորպուսը (ԻՀՊԿ), իրենով փոխարինում Է Իրանում իշխանության բոլոր մարմիններին` դրանով իսկ երկիրը տանելով ռազմական դիկտատուրայի: «Մենք գտնում ենք, որ ԻՀՊԿ-ն ըստ էության փոխարինում է իրանական կառավարությանը»,- ասել է Քլինթոնը: «Մենք տեսնում ենք, որ Իրանի կառավարությունը, գերագույն առաջնորդը, նախագահը և խորհրդարանը դուրս են մղվում Իսլամական հեղափոխության պահապանների կորպուսի կողմից, և երկրում կարող է ռազմական դիկտատուրա հաստատվել»,- հավելել է ԱՄՆ-ի պետքարտուղարը:
Անցած չորեքշաբթի ԱՄՆ-ի իշխանությունները հայտարարել են Իրանի Իսլամական հեղափոխության պահապանների կորպուսի դեմ լրացուցիչ պատժամիջոցներ սահմանելու մասին: ԱՄՆ-ի ֆինանսների նախարարության հաղորդագրության մեջ ասված Է, որ խոսքը «լրացուցիչ միջոցառումների մասին Է, որոնք նպատակամղված են ԻՀՊԿ-ի դեմ ամերիկյան պատժամիջոցները իրագործելուն»: ԱՄՆ-ի ֆինանսների նախարարությունում գտնում են, որ վերջին ժամանակներս ԻՀՊԿ-ի ներկայությունը Իրանի ֆինանսական և առևտրային հատվածներում աճում Է: Նաև ԻՀՊԿ-ն ընդգրկուն տնտեսական շահեր ունի պաշտպանական սպառազինությունների, շինարարության ոլորտում, նավթի ճյուղում:
|
|
Просмотров: 570 |
Добавил: Voskanapat
| Рейтинг: 0.0/0 |
