Блог
Главная »
2010 » Февраль » 16 » Հայոց ցեղասպանության հարցը Մեծ Բրիտանիայի համայնքների պալատում
14:22 Հայոց ցեղասպանության հարցը Մեծ Բրիտանիայի համայնքների պալատում |
Հայոց ցեղասպանությունը ճանաչելու նախաձեռնության տակ ստորագրած Մեծ Բրիտանիայի համայնքների պալատի անդամների թիվն այս շաբաթ գերազանցել է 250-ը: Նախաձեռնության տակ ստորագրել է բրիտանացի պատգամավորների մեծ մասը, ընդհանուր թվով 646 պատգամավորներից միայն 495-ն իրավունքն ունեն ստորագրելու, մնացած 151-ը, ովքեր այլ պաշտոններ էլ են զբաղեցնում, նման իրավունք չունեն: Բանաձևում ասվում է, որ համայնքների պալատը դատապարտում է Հոլոքոստի, Հայոց ցեղասպանության, ինչպես նաև այլ դեպքերի պատճառ դարձած թշնամանքի և պառակտման քաղաքականությունը:
Հիշեցնենք, որ ընդամենը մի քանի օր առաջ լոնդոնյան ելույթում ՀՀ նախագահ Սերժ Սարգսյանը հիշեցրել էր, որ 1915 թ-ի մայիսին Մեծ Բրիտանիայի, Ռուսաստանի և Ֆրանսիայի համատեղ ընդունած հայտարարությունում, հայերի կոտորածները որակվել էին որպես հանցագործություն` ընդդեմ մարդկության և քաղաքակրթության: Նախագահը նաև նշել է, որ Մեծ Բրիտանիան Հայոց ցեղասպանության փաստերի հարցում ներկայացման կարիք չունի, քանի որ ունի հսկայական արխիվ: Դրա վառ վկայությունն է բրիտանական հայասիրական հուժկու շարժումն ու այն բրիտանացիների հիացմունքի արժանի մարդասիրական օգնությունը, ովքեր առաջինն արձագանքեցին` իրենց բողոքի ձայնն ու օգնության ձեռքը պարզելով ցեղասպանություն վերապրած հայ ժողովրդին:
|
|
Просмотров: 602 |
Добавил: Voskanapat
| Рейтинг: 0.0/0 |
