«Տեղեկատվական անվտանգության ոլորտում մենք ակտիվորեն համագործակցում ենք ՀԱՊԿ շրջանակում, որտեղ արդեն պարբերաբար անցկացվում են միջոցառումներ, որոնց մասնակցում են ՀԱՊԿ անդամ բոլոր պետությունները: 2009թ-ին հազարից ավելի հարձակումներ են եղել ՀԱՊԿ տարածքի պետությունների կայքերի վրա, որի արդյունքում հասցվել է լուրջ վնաս»,-ասաց Ա. Բաղդասարյանը: Նրա խոսքով, տեղեկատվական անվտանգության ոլորտում Հայաստանը համագործակցում է միջազգային կառույցների հետ, դրա համար չափազանց կարևոր է երկրում ձևավորել այնպիսի համակարգ, որը հնարավորություն կտա տեղեկատվական անվտանգության խնդիրները պատշաճ մակարդակի վրա պահել և միջազգային համագործակցության համատեքստում ունենալ լավ արդյունքներ:
Միջազգային մի շարք կազմակերպությունների կողմից իրականացված հետազոտությունների համաձայն` Հայաստանում ինտերնետ տարածվածության չափանիշը 6.5 տոկոս է, ինչը հարևան պետությունների համեմատ քիչ է:
ՀՀ տրանսպորտի և կապի փոխնախարար Վալտեր Մարությանը նշեց, որ Հայաստանում ինտերնետի որակի խնդիր կա: ՀՀ-ն ինտերնետ կապուղի ունի Թուրքիայի, Վրաստանի հետ: Թուրքական ինտերնետի արագությունը բավական ցածր է և անորակ, իսկ հանրապետությունում 70-80 տոկոսով ստացվում է թուրքական ինտերնետ: «Այն բավական էժան է և, ցավոք սրտի, մեր պրովայդերները, կարծես թե, միայն էժան ինտերնետի կարիք ունեն»,-ասաց Վ. Մարությանը: Նա Հայաստանի համար կարևոր համարեց «Կաուկազուս»-ի Սև ծովի տակով անցնող Փոթի-Վառնա ուղղությամբ մալուխը:
Ա. Բաղդասարյանը նշեց, որ այս ոլորտում բավականին լուրջ աշխատանքներ պետք է կատարվեն, հստակեցվեն օրենսդրական և ինստիտուցիոնալ բարեփոխումներին ուղղված քայլերը, որոնց նպատակն է տեղեկատվական անվտանգության համակարգը հուսալի ու պաշտպանված դարձնելը:
