Блог
Главная »
2010 » Февраль » 11 » Եվրախորհրդարանը կոչ Է արել արգելելու լրտեսման համար նախատեսված տեխնոլոգիաների արտահանումն Իրան
13:14 Եվրախորհրդարանը կոչ Է արել արգելելու լրտեսման համար նախատեսված տեխնոլոգիաների արտահանումն Իրան |
Եվրախորհրդարանը չորեքշաբթի օրը Ստրասբուրգում կայացած լիագումար նիստում ընդունել Է բանաձև, որը Եվրամիության ինստիտուտներին կոչ Է անում անհապաղ սահմանել «Եվրոպայի ընկերությունների կողմից այն կառավարություններին և երկրներին լրտեսման համար նախատեսված տեխնոլոգիաների արտահաման արգելք, որոնք նման են Իրանին»:
Այդ մասին ինչպես հաղորդում Է «Արմենպրես»-ը, տեղեկատվություն Է տարածել Եվրախորհրդարանի մամլո ծառայությունը: Լրտեսման համար նախատեսված տեխնոլոգիաներ ասելով նկատի են առնվում այն սարքերն ու համակարգերը, որոնք կարող են որոշել և գնահատել մարդկանց տեղաշարժումներն ու նրանց ունեցվածքը: Բանաձևը բովանդակում Է «միջազգային ընկերությունների վճռական քննադատություն այն բանի համար, որ դրանք Իրանի իշխանություններին ապահովել են գրաքննության եւ լրտեսության համար անհրաժեշտ տեխնոլոգիաներով, ինչը նպաստել Է իրանցի այլախոհների հետապնդմանն ու կալանքներին»:
Պատգամավորները նաև դատապարտել են գրաքննությունն իրանական տպագիր զանգվածային լրատվամիջոցների նկատմամբ և Իրանի իշխանությունների կողմից կիրառվող արտասահմանյան ռադիո- հեռուստահաղորդումների «խլացումը», ինչպես նաև Ինտերնետի արգելափակումը: Բանաձևում դատապարտվում Է նաև Իրանում մահապատժի կիրառումը, կոչ Է արվում վերացնելու դա, ինչպես նաև ազատ արձակելու խաղաղ ցույցերի բոլոր բանտարկված մասնակիցներին և հարգելու ժողովների և խոսքի ազատության իրանցիների իրավունքները:
Խորհրդարանականներն ափսոսանք են հայտնել իրանական միջուկային դոսիեի շուրջը միջազգային բանակցությունների մասնակիցների հետ փոխզիջման չգնալու՝ պաշտոնական Թեհրանի դիրքորոշման առնչությամբ:
|
|
Просмотров: 612 |
Добавил: Voskanapat
| Рейтинг: 0.0/0 |
