Блог
Главная »
2010 » Февраль » 17 » Ձերբակալված լրագրողների թվաքանակով Ադրբեջանն առաջատար է
19:18 Ձերբակալված լրագրողների թվաքանակով Ադրբեջանն առաջատար է |
Մամուլի միջազգային ինստիտուտի հերթական զեկույցում, որտեղ ուշադրություն է դարձվում աշխարհի տարբեր երկրներում մամուլի վիճակին, հատկապես, լրագրողների մասնագիտական գործունեության պատճառով սպանությունների և ձերբակալությունների փաստերին, ասվում է, որ 2009 թ-ին ձերբակալված լրագրողների թվաքանակով Ադրբեջանն առաջնորդ է Եվրոպայում:
Զեկույցում Ադրբեջանի կառավարությունը կշտամբանքի է ենթարկվել խոսքի և արտահայտվելու ազատությունների վատ իրավիճակի համար: Բացահայտ ներկայացվել է, որ ձերբակալված լրագրողների թվաքանակով Եվրոպայում Ադրբեջանը զբաղեցնում է առաջին տեղը: Ներկայում երկու ազդեցիկ թերթերի ղեկավարները՝ «Ազադլըգ»-ի գլխավոր խմբագիր Գանիմաթ Զահիդը և «Գյունդալիք Ազերբայջան» ու «Ռեալնի Ազերբայջան» թերթերի գլխավոր խմբագիր Էյնուլլա Ֆաթուլլաևը բանտարկված են: Կառավարությանը քննադատելու համար միայն անցյալ տարի Ադրբեջանում ձերբակալվել են երկու լրագրող-բլոգերներ Էմին Միլլին և Ադնան Հաջիզադեն:
Զեկույցում ասվում է, որ բացի այդ, անցյալ տարեվերջին բանտում կասկածելի հանգամանքներում մահացել է ընդդիմադիր «Թալըշի սադո» թերթի գլխավոր խմբագիր Նովրուզալի Մամեդովը: Մամուլի միջազգային ինստիտուտի զեկույցի նպատակը հասարակական-քաղաքական շրջանակների ուշադրությունը մեկ անգամ ևս խոսքի ազատության բնագավառում առկա խնդիրներին ուղղելն է:
|
|
Просмотров: 593 |
Добавил: Voskanapat
| Рейтинг: 0.0/0 |
