Блог
Главная »
2010 »
Февраль »
15 » Արցախի աղանդավորները ֆինանսավորվում են Թուրքիայից
13:56 Արցախի աղանդավորները ֆինանսավորվում են Թուրքիայից |
Ստեփանակերտում օրերս անցկացվել է սեմինար-խորհրդակցություն` Արցախում գործող աղանդավորական կազմակերպությունների կողմից իրականացվող հոգեորսության դեմ պայքարի հարցերով: Այն նախաձեռնել է Լեռնային Ղարբաղի Հանրապետության կառավարության աշխատակազմի ազգային փոքրամասնությունների և կրոնի հարցերով բաժինը: Ներկայացնելով ստեղծված իրավիճակի կարեւորությունը` նշված բաժնի ղեկավար Աշոտ Սարգսյանը նշել է, որ Արցախում պաշտոնապես գրանցված է հինգ կրոնական կազմակերպություն, սակայն նրանց թիվը անհամեմատ փոքր է կրոնական տարբեր ուսմունքներով զբաղվող կառույցների թվից:
Ա. Սարգսյանի խոսքերով, «Եհովայի վկաներ» և «Արթնության կրակ» կրոնական կազմակերպությունների գրանցման մասին հայտերը ԼՂՀ արդարադատության նախարարության պետական ռեգիստրի բաժնի կողմից դեռևս անցյալ տարվա աշնանը մերժվել են` հիմք ընդունելով ազգային փոքրամասնությունների և կրոնի հարցերով բաժնի եզրակացությունը: Սակայն վերոհիշյալ և այլ չգրանցված կրոնական կազմակերպությունները շարունակել են ակտիվ գործունեությունը հոգեորսության միջոցով, ինչը արգելված է 2009թ. ընդունված խղճի ազատության և կրոնական կազմակերպությունների մասին ԼՂՀ օրենքով:
Ըստ Ա. Սարգսյանի, ԼՂՀ Ազգային անվտանգության ծառայության տվյալների համաձայն` Արցախում գործող աղանդավորական կազմակերպությունների մեծ մասը ֆինանսավորվում է Թուրքիայից, որի նպատակների մասին բաժնի վարիչը ավելորդ համարեց խոսել: Սեմինար-խորհրդակցությանը ներկա ոստիկանության և երիտասարդական կազմակերպությունների ներկայացուցիչներին Ա. Սարգսյանը կոչ արեց ակտիվ և հետևողական պայքար մղել հոգեորսությամբ զբաղվող աղանդավորական կազմակերպությունների ներկայացուցիչների դեմ, որոնց գործունեության նպատակները միտված են ազգային պառակտմանը:
|
|
Просмотров: 612 |
Добавил: Voskanapat
| Рейтинг: 0.0/0 |
