Блог
Главная »
2010 » Февраль » 23 » ԱՄՆ-ը և քրդական խնդրի լուծման Թուրքիայի նախաձեռնություններին
13:47 ԱՄՆ-ը և քրդական խնդրի լուծման Թուրքիայի նախաձեռնություններին |
Տասնյակ տարիներ շարունակվող քրդական խնդրի լուծմանն ուղղված թուրքական կառավարության նախ` «Քրդական նախաձեռնություն», հետո` «Դեմոկրատական նախաձեռնություն», վերջերս էլ Թուրքիայի վարչապետ Ռեջեբ Թայիփ Էրդողանի կողմից «ազգային միասնության և եղբայրության նախագիծ» կոչած «նախաձեռնությունները» ԱՄՆ պետքարտուղարի տեղակալ Ֆիլիպ Գորդոնը պաշտոնապես անվանել է «Քրդերի համար դեմոկրատական միտում» (democratic opening to the Kurds):
Ինչպես հաղոդում է թուրքական «Հուրիեթ» թերթն, անցյալ շաբաթ Հարվարդի համալսարանում ունեցած ելույթում, բացատրելով նախագահ Բարաք Օբամայի եվրոպական քաղաքականությունը, Գորդոնն ասել է, որ «թեև Թուրքիայի` Եվրամիությանն անդամակցության հարցում ԱՄՆ-ը որոշիչ ձայն չունի, բայց և այնպես, Վաշինգտոնն ամբողջ ուժով աջակցում է Թուրքիայի ԵՄ լիիրավ անդամակցությանը»: Դրա հետ միասին Ֆ.Գորդոնն անդրադարձել է Թուրքիայի` ԵՄ հետ ամբողջականանալը հեշտացնող քայլերին` ասելով, որ դրանց թվում են «քրդական հարցի լուծման գործընթացում նոր դեմոկրատական քայլեր կատարելը, հունական վանական համալիրի բացումը Ստամբուլում և Կիպրոսի խնդրի լուծումը»:
Ըստ Ֆ.Գորդոնի, «Եվրոպայում կայունության համար Թուրքիան պետք է գոհացնի իր կրոնական փոքրամասնություններին և բարեփոխումներ իրագործի էթնիկ խմբերի հարցում»: Թուրքական թերթն ընդգծել է, որ «խիստ հետաքրքրական է ամերիկացի իրավասուի` թուրքական կառավարության դեմոկրատական միտման գործընթացը քրդերով սահմանափակված լինելը նշելը` դուրս թողնելով նրանից կրոնական փոքրամասնություններին»:
|
|
Просмотров: 653 |
Добавил: Voskanapat
| Рейтинг: 0.0/0 |
