Блог
Главная »
2010 » Февраль » 26 » Ադրբեջանի ստվերային տնտեսությունը
16:53 Ադրբեջանի ստվերային տնտեսությունը |
Արժույթի միջազգային հիմնադրամի` Ադրբեջանի գծով առաքելության ղեկավար Նինկե Օմեսը երեկ Բաքվում լրագրողներին հայտարարել է, որ «Ադրբեջանում ստվերային տնտեսության ծավալը վիթխարի է և այդ բնագավառում բարեփոխումների կարիք կա»:
«Ոչ նավթային հատվածում պետական գանձարանի պակասորդը վերացնելու երկու ճանապարհ կա: Առաջինը՝ վարկային վարչարարության ամրապնդումն է: Այսինքն, մինչ այժմ հարկեր չվճարողները պետք է բերվեն թափանցիկ հարկային դաշտ: Միջազգային կազմակերպությունների տվյալներով, Ադրբեջանում ստվերային տնտեսության ծավալը մոտ 60 տոկոս է: Ստվերային տնտեսության նվազեցումը պետական գանձարանի պակասորդը վերացնելու երկրորդ ճանապարհն է», -ասել է տիկին Օմեսը:
Տնտեսագետները «ստվերային տնտեսությունը» բացատրել են որպես հաշվառումից դուրս մնացած եկամուտներ, որոնք առաջանում են հարկերի, մաքսային հավաքագրումների, անօրինական զենքի ու թմրանյութերի առևտրի և այլ բնագավառներում չգրանցված շրջանառությունից:
Ադրբեջանի տնտեսական հետազոտությունների կենտրոնի ղեկավար Գուբադ Իբադօղլուն «Բիզիմ յոլ»-ի հետ զրույցում ասել է, որ Ադրբեջանում «ստվերային տնտեսության» հետքերը կարելի է տեսնել նաև պետական բյուջեում: Տնտեսագետը հայտնել է, որ «պաշտոնական տվյալների համաձայն, անցյալ տարի Ադրբեջանում 74 հազար նոր աշխատատեղ է բացվել, բայց բյուջեի ցուցանիշները դրա հակառակն են ասում»: «Եթե 74 հազար նոր աշխատատեղ է բացվել, ապա եկամտային հարկերից մուտքերը պետք է աճեին: Սակայն, 2009 թ-ի համեմատ, 2010 թ-ի բյուջեում եկամտային հարկերից մուտքերը 220 մլն մանաթով նվազել են: Աշխատատեղերի բացումը պետք է բերեր կենսաթոշակային հիմնադրամի ապահովագրական վճարումների մեծացման, ինչը չի երևում», -ասել է ադրբեջանցի փորձագետը:
|
|
Просмотров: 674 |
Добавил: Voskanapat
| Рейтинг: 0.0/0 |
