Блог
Главная »
2010 »
Февраль »
11 » Աբդուլլահ Գյուլի պատասխանը Սերժ Սարգսյանին
16:08 Աբդուլլահ Գյուլի պատասխանը Սերժ Սարգսյանին |
«Ձերդ գերազանցություն, թանկագին բարեկամ,
Շնորհակալություն եմ հայտնում Ձեզ Թուրքիայի օդային սահմանով անցնելիս Ձեր կողմից քաղաքավարական ուղերձի համար և իմ կողմից պատասխան ողջույններ եմ հղում Ձեզ և հայ ժողովրդին։
Ձեր ուղերձի մեջ արված դատողությունները գոհունակությամբ եմ ընդունում։ Թուրքիա-Հայաստան հարաբերությունների կարգավորմանն ուղղված երկկողմ ջանքերը հակամարտություններով առկա մեր տարածաշրջանում նոր մի խաղաղության հույս են ծնել, որին աշխարհը իրավապես տեղին հետաքրքրությամբ է հետևում։ Ես կիսում եմ այդ տեսակետը։ Անհրաժեշտ է մեր ժողովուրդների միջև երկար ժամանակ՝ առկա նախապաշարմունքները հաղթահարելու և փոխադարձ ըմբռնումը և վստահությունը վերականգնելու համար։ Սրանք մեր երկրների հարբերությունների կարգավորման գործընթացին աջակցող գլխավոր գործոններն են։ Անհրաժեշտ է, որ չկասկածեք մեր վճռականությանը այս գործընթացում, քանի դեռ առկա է փոխադարձ համաձայնություն՝ ձգտելու կարգավորել հարաբերությունները։
Համաձայն եմ Ձեր նշած այն մտքին, որ պատասխանատու ղեկավարությունը պետք է կանգնի իր խոսքի հետևում և աջակցի այդ խոսքերի իրականացմանը։ Հարգելով դա, շարունակելու ենք ավելի առաջ տանել մեր երկրների միջև հարաբերությունների կարգավորման գործընթացում ձեռք բերված փոխհամաձայնությունը։ Մենք պետք է հասկանանք, որ պատմական նշանակություն ունեցող այս գործընթացի արդյունքները կապված են երկկողմ պարտավորությունների կատարումից և բավարար քաղաքական խիզախությունից։
Մեր տարածաշրջանում ապրող բոլոր ժողովուրդների համար շարունակական խաղաղության, անվտանգության, բարգավաճման և համագործակցության ապահովումը պետք է կազմի ապագայի մեր համատեղ նպատակը։ Ես շարունակելու եմ անձամբ զբաղվել առկա գործընթացով՝ հույսով, որ մեր երկրների համար գործընթացը կհասնի համոզիչ արդյունքի։
Խնդրում եմ ընդունեք խորին հարգանքներս»:
|
|
Просмотров: 643 |
Добавил: Voskanapat
| Рейтинг: 0.0/0 |
