«Ադրբեջանն իր ստոր արարքներով դրդում է, որ նրան հիշեցնենք, թե ինչ տեղի ունեցավ իրենց հետ, երբ 90-ականներին փորձ կատարեց մեզ հետ զենքի լեզվով խոսել: Եթե ազերիները շարունակեն իրենց սադրիչ ու ապաշնորհ քայլերը, ապա նրանց տխուր ապագա է սպասվում: Ի՞նչ է պատերազմ են ուզում, նրանք 20 տարի առաջ ստացել են այդ պատերազմն ու դրա պտուղները, ի՞նչ է մոռացել են, թե ինչպես են իրենց լակոտները դուրս շպրտվել Արցախի Սուրբ հողից»,- անդրադառնալով վերջին օրերին ադրբեջանցիների դիպուկահար կրակից սպանված հայ զինծառայողների փաստին՝ Panorama.am-ի հետ զրույցում նշեց ԱԺ պատգամավոր Վազգեն Կարախանյանը:
Հարցին, թե ի՞նչն է պատճառը, որ Ադրբեջանի կողմից նման սադրանքներ են իրականացվում՝ բանախոսը նշեց. «Այս ամենը երկու պատճառ կարող է ունենալ. առաջին, աջ ձեռքը չգիտի, թե ինչ է անում ձախը, այսինքն՝ ադրբեջանական բանակում «շունը տիրոջը չի ճանաչում», կատարյալ խառնաշփոթ է, անվերահսկելի վիճակ, և երկրորդ, երկրի ներսում իր «հեղինակությունը» բարձրացնելու համար Ալիևն ու ալիևանմանները ճարահատյալ քայլերի են դիմում: Երկու դեպքում էլ դա նրանց համար կործանարար է լինելու»:
/Panorama.am/
|