Блог
Главная »
2011 »
Апрель »
13 » Նախագահ Սարգսյանն ընդունել է Հարավային Կովկասի հարցերով Միացյալ Թագավորության հատուկ ներկայացուցչին
18:11 Նախագահ Սարգսյանն ընդունել է Հարավային Կովկասի հարցերով Միացյալ Թագավորության հատուկ ներկայացուցչին |
Նախագահ Սերժ Սարգսյանն այսօր ընդունել է Հարավային Կովկասի հարցերով Մեծ Բրիտանիայի և Հյուսիսային Իռլանդիայի Միացյալ Թագավորության հատուկ ներկայացուցիչ Բրայան Ֆոլին:
Նախագահը հույս է հայտնել, որ Բրայան Ֆոլի այցելությունն օգտակար կլինի ինչպես հայ-բրիտանական երկկողմ հարաբերությունների զարգացման, այնպես էլ տարածաշրջանային խնդիրների ընդհանուր պատկերին տեղում ծանոթանալու և զարգացման դինամիկան տեսնելու առումով: Հանրապետության ղեկավարն ընդգծել է, որ Հայաստանը չափազանց կարևորում է Միացյալ Թագավորության հետ հարաբերությունների խորացումը և այդ նպատակով` ջանքեր ներդնում: Սերժ Սարգսյանը նշել է, թե սիրով է հիշում անցյալ տարի Լոնդոնում Նորին Մեծություն Եղիսաբեթ Երկրորդ թագուհու, իսկ դեկտեմբերին` Աստանայում Մեծ Բրիտանիայի փոխվարչապետի հետ իր հանդիպումները: Համագործակցության զարգացման գործում Նախագահը կարևորել է փոխայցելությունների ու բարձր մակարդակի քաղաքական երկխոսության ակտիվացումը:
Հարավային Կովկասի հարցերով Մեծ Բրիտանիայի և Հյուսիսային Իռլանդիայի Միացյալ Թագավորության հատուկ ներկայացուցիչը նշել է, թե Միացյալ Թագավորությունը ևս աշխատում է առավել ամրապնդելու և բարելավելու Հայաստանի հետ արդեն իսկ լավ հարաբերությունները:
/Times.am/
|
|
Просмотров: 428 |
Добавил: Voskanapat
| Рейтинг: 0.0/0 |
