«Եթե արևմտյան երկրները փորձում են կասեցնել մեր զարգացումը հակահրթիռային պաշտպանության համակարգերի միջոցով, ապա դա մեզ մոտ միայն ծիծաղ է առաջացնում: Մի՞թե հնարավոր է կանգնեցնել գարնան գալը ձմեռվանից հետո: Այդպես էլ չի կարող դադարեցվել մահմեդական ժողովրդների զարգացումը: Հակառակ դեպքում, ՆԱՏՕ-ն պետք է ստեղծի մեկական հակահրթիռային պաշտպանության համակարգ ադրբեջանցիների դեմ, պաղեստինցիների, թուրքերի և այլ իսլամական ժողովուրդների դեմ, քանի որ նրանք նույնպես զարգանում են, իսկ արևմտյան ազգերն անկում են ապրում»,- այս մասին, ինչպես հաղորդել է 1.նյուս.ազ-ը, ասել է Բաքվում մամուլի ասուլիսի ժամանակ Իրանի նախագահ Մահմուդ Ահմադինեժադը` իր վերաբերմունքն արտահայտելով Թուրքիայում ՆԱՏՕ հակահրթիռային պաշտպանության համակարգերի հնարավոր տեղադրման վերաբերյալ:
«Իրանը ևս մեկ անգամ վերահաստատում է, որ ՆԱՏՕ-ն մեզ համար սպառնալիք չէ, և եթե նույնիսկ այդ բոլոր երկրները միավորվեն Իրանի դեմ, նրանք բավականաչափ ուժ չեն ունենա, որպեսզի հաղթեն մեզ: Այսպիսով, հակահրթիռային պաշտպանական համակարգի մասին խոսակցությունները մեզ մոտ միայն `քմծիծաղ են առաջանցնում»,- ասել է Ահմադինեժադը:
/Aysor.am/
|
