Հայաստանը երբեք չի էլ եղել Թուրքիայի համար վտանագավոր թշնամիների ցանկում: Այս մասին հրավիրված մամլո ասուլիսում հայտարարեց քաղաքագետ Հրանտ Մելիք-Շահնազարյանը:
«Թուրքիայի ռազմավարական փաստաթուղթը պատմության ընթացքում միշտ եղել է գաղտնի, և այնտեղ պետությունների առկայությունը կամ բացակայությունը սովորաբար լրատվամիջոցների միջոցով տեղեկատվական արտահոսք ապահովելու միջոցով է կատարվել»,- ասաց Մելիք-Շահնազարյանը:
Նա նկատեց, որ 5 տարին մեկ անգամ փոխվում է այդ ցուցակը, և 5 տարին մեկ նման արտահոսքեր են լինում, թե որ պետությունն է ավելացել և որը պակասել:
«Հայաստանն այնտեղ երբեք չի շեշտվել ո’չ որպես թշնամի, ո’չ որպես սպառնալիք, ո’չ էլ որպես դաշնակից: Սակայն այս անգամ մենք լսում ենք, թե իբր Հայաստանին դուրս են հանել այդ ցուցակից», - ասաց Հ.Մելիք-Շահնազարյանը:
Ըստ քաղաքագետի` սա բացառապես PR ակցիա է: Թուրքիան ցանկանում է ցույց տալ տարածաշրջանում իր գերակայությունները. «Եթե Թուրքիան իսկապես ուզում է Հայաստանի հետ բարելավել հարաբերությունները, ապա Հայաստանը պատրաստ է դրան` առանց նախապայմանների արձանագրության վավրերացում և Ցեղասպանության ընդունում»:
Հրանտ Մելիք-Շահնազարյանն ընդգծեց, որ քանի դեռ այդ ամենը չկա, ուրեմն ակնհայտ է, որ Թուրքիան ուղղակի ցանկանում է աշխարհին երևալ որպես տոլերանդ, խաղաղասեր, հանդուրժող պետություն:
/Aysor.am/
| 
