Блог
Главная »
2010 » Ноябрь » 16 » ՀՀ Նախագահը մի շարք հանդիպումներ կունենա Մոսկվայում
16:22 ՀՀ Նախագահը մի շարք հանդիպումներ կունենա Մոսկվայում |
Բազմիցս անդրադարձել ենք ՀՀ նախագահի գլխավորած պատվիրակության մոսկովյան այցելությանը, որի ընթացքում մի շարք հանդիպումներ են նախատեսված: Ինչպես հաղորդում է մեր թղթակիցը Մոսկվայից, այսօր երեկոյան ՀՀ նախագահ Սերժ Սարգսյանը մասնակցելու է Հայաստան համահայկական հիմնադրամի կազմակերպած բարեգործական ճաշկերույթին:
Վաղը՝ նոյեմբերի 17-ին, ՀՀ նախագահը ներկա է գտնվելու Ռուսաստանի հայերի միության համագումարին, այնուհետև հանդիպումներ է ունենալու ՌԴ վարչապետ Վլադիմիր Պուտինի և նախագահ Դմիտրի Մեդվեդևի հետ: Իսկ երեկոյան նախագահ Սերժ Սարգսյանը ներկա կգտնվի Ռուսաստանի հայերի միության կազմավորման 10-րդ տարեդարձին նվիրված հանդիսավոր համերգին:
Աշխատանքային այցի երրորդ օրը Սերժ Սարգսյանը Ռուսաստանում Հայաստանի դեսպանատանը հանդիպումներ է ունենալու ՌԴ հասարակական և մշակութային գործիչերի հետ, ինչից անմիջապես հետո նախագահի գլխավորած պատվիրակությունը վերադառնալու է Հայաստան:
/Aysor.am/
|
|
Просмотров: 546 |
Добавил: Voskanapat
| Рейтинг: 0.0/0 |
