Блог
Главная »
2010 » Ноябрь » 5 » ԵԽԽՎ-ի պատվիրակությունը կհետևի Ադրբեջանում կայանալիք խորհրդարանական ընտրություններին
17:02 ԵԽԽՎ-ի պատվիրակությունը կհետևի Ադրբեջանում կայանալիք խորհրդարանական ընտրություններին |
Եվրոպայի Խորհրդի Խորհրդարանական վեհաժողովի (ԵԽԽՎ) պատվիրակությունը՝ Փոլ Վիլլի (Բելգիա) գլխավորությամբ, մեկնել է Ադրբեջան՝ նոյեմբերի 7-ին երկրում կայանալիք խորհրդարանական ընտրություններին հետևելու համար, նշվում է Բաքվում Եվրոպայի խորհրդի ներկայացուցչության տեղեկատվության մեջ:
Ինչպես տեղեկացնում է «Նովոստի-Արմենիա»-ն, 30 հոգուց բաղկացած պատվիրակությունը հետևելու է ընտրական գործընթացներին նոյեմբերի 5-8-ն ընկած ժամանակահատվածում: Պատվիրակության անդամները կհանդիպեն Ադրբեջանի իշխանության, քաղաքական կուսակցությունների, քաղաքացիական հասարակության և ԶԼՄ-ների ներկայացուցիչների հետ:
ԵԽԽՎ-ի ներկայացուցիչների ընտրական գործընթացը կլուսաբանվի ԵԱՀԿ-ի ժողովրդավարական ինսիտուտների և մարդու իրավունքների բյուրոյի դիտորդների հետ համատեղ, իսկ նոյեմբերի 8-ին նրանք հանդես կգան ընտրությունների վերաբերյալ համատեղ գնահատականներով:
ԵԽԽՎ-ի երկարաժամկետ առաքելությունը հետևում է ընտրական գործընթացին սեպտեմբերի 28-ից: Ավելի վաղ առաքելությունը հանդես էր եկել ընտրությունների նախապատրաստական գործընթացի վերաբերյալ միջանկյալ գնահատականով, որում Ադրբեջանի կենտրոնական ընտրական հանձնաժողովի աշխատանքի բարելավման, ինչպես նաև ընտրական գործընթացին ընդդիմության ակտիվ մասնակցության հետ միասին նշվել են նաև երկրում հասարակական բանավեճերի անցկացման, ընտրական գործընթացին իշխանությունների միջամտության ու պատգամավորական թեկնածուների գրանցման հետ կապված խնդիրները:
/Times.am- Հայաստանի լուրեր/
|
|
Просмотров: 537 |
Добавил: Voskanapat
| Рейтинг: 0.0/0 |
