Հայաստանի Եվրամիության հետ արտոնագրերի տրամադրման պարզեցումը պահանջում է Հայաստանի կողմից իրականացվելիք մի շարք գործողություններ: Այս մասին այսօր լրագրողների հետ հանդիպման ժամանակ հայտարարեց ԵՄ պատվիրակության ղեկավար դեսպան Ռաուլ դե Լուցենբերգերը:
Ըստ նրա, հիմնական խնդիրն այն է, որ ԵՄ-ն փորձում է ռեադմիսիոն (հետընդունման) համաձայնագիրը իրականացնել և վիզաների ազատականացման քաղաքականությունն իրականացնել: Դա Հայաստանից պահանջում է ռեադմիսիոն համաձայնագրի շրջանակներում ընդունել ազգությամբ հայերի մուտքը Հայաստան, ինչպես նաև երրորդ երկրների քաղաքացիներին, ում ճանապարհորդությունը սկսվել է Հայաստանից:
Դեսպան Լուցենբերգերի խոսքով, գործընթացի երկրորդ մասը` վիզայի ազատականացումն է Հայաստանի քաղաքացիների համար, այսինքն` դրանով պարզեցնելով Հայաստանի քաղաքացիների ճանապարհը ԵՄ երկրներ:
«Սակայն յուրաքանչյուր անգամ, երբ մենք փորձում ենք ազատականացնել արտոնագրերի տրամադրման գործընթացը, հնարավորություն է ստեղծվում այլ` 3-րդ երկրների քաղաքացիների համար շահագործելու այս հնարավորությունը և այս միջոցով ապօրինի անցնելու ԵՄ երկրներ: Հենց այդ պատճառով մենք պետք է պահանջենք, որպեսզի հայկական փաստաթղթերը դժվար լինի կեղծել և Հայաստանը կարողանա արդյունավետորեն պաշտպանել իր սահմանները»,- ընդգծեց դեսպանը:
Այն հարցին, թե Երբ Հայաստանը պատրաստ կլինի ԵՄ հետ մուտքի առանց վիզայի ռեժիմին անցնելու, Էկոնոմիկայի նախարար Ներսես Երիցյանը պատասխանեց, որ դեռ վաղ է խոսել այդ մասին. «Երբ սկսկվեն Ասոցացման համաձայնագրի շուրջ բանակցությունները, որոշակի տեսանելի ժամկետներ մեզ համար կկարողանանք շեշտադրել»:
/Aysor.am/
| 
