Блог
Главная »
2010 » Октябрь » 1 » ՄԻԵԴ-ը 59 հազար եվրո տուգանք է սահմանել Ադրբեջանին
13:30 ՄԻԵԴ-ը 59 հազար եվրո տուգանք է սահմանել Ադրբեջանին |
Մարդու իրավունքների եվրոպական դատարանը (ՄԻԵԴ) բավարարել է Ադրբեջանի ժողովրդական արտիստուհի, երգչուհի Ֆլորա Քերիմովայի հայցը: Սեպտեմբերի 30-ին հրապարակած վճռով ՄԻԵԴ-ը 59 հազար 10 եվրո տուգանք է սահմանել Ադրբեջանին` արտիստուհուն փոխհատուցելու համար:
Ըստ «Բիզիմ յոլ»-ի, այդ մասին տեղեկությունը հրապարակվել է ՄԻԵԴ պաշտոնական կայքում: Տուգանքի պատճառը 5 տարի առաջ խորհրդարանական ընտրությունների ժամանակ երգչուհու իրավունքների ոտնահարումն է:
Անցյալ խորհրդարանական ընտրությունների ժամանակ Ֆ.Քերիմովայի թեկնածությունն առաջադրվել էր «Ազադլըգ» քաղաքական կուսակցությունների բլոկից թիվ 42-րդ` Սումգայիթի առաջին ընտրատեղամասում: Չնայած նա հաղթանակ էր տարել 35 ընտրատեղամասերում և պատգամավոր ընտրվել շրջանային ընտրական հանձնաժողովի արձանագրությամբ, սակայն Կենտրոնական ընտրական հանձնաժողովը չեղյալ է հայտարարել այդ որոշումը: Ֆ.Քերիմովան այդ հարցը հասցրել է մինչև ՄԻԵԴ: «Եթե տեղական դատարաններն իմ իրավունքների պաշտպանության հարցում արդարացի վճիռներ կայացնեին, հարցը Եվրոպա չէր հասնի, և Ադրբեջանն էլ հերթական անգամ խայտառակ չէր լինի աշխարհում»,- ասել է երգչուհին:
Նշենք, որ նախորդ ընտրություններում «Ազադլըգ» բլոկից թիվ 93 Բարդայի ընտրատեղամասում առաջադրվել էր նաև Նեմաթ Ալիևի թեկնածությունը, ում իրավունքների ոտնահարման համար ևս ՄԻԵԴ-ը ապրիլին 7.500 եվրո տուգանք էր սահմանել` տուժածին փոխհատուցելու համար:
/Aysor.am/
|
|
Просмотров: 539 |
Добавил: Voskanapat
| Рейтинг: 0.0/0 |
