PanARMENIAN.Net - Պաշտոնական այցով Երևանում գտնվող Սլովենիայի նախագահ Դանիլո Թյուրքը՝ տիկնոջ Բարբարա Միկլիչ Թյուրքի ուղեկցությամբ այցելել է Հայոց ցեղասպանության զոհերի հուշահամալիր: Սլովենիայի նախագահը հարգանքի տուրք է մատուցել Հայոց ցեղասպանության զոհերի հիշատակին՝ ծաղկեպսակ դենլով հավերժական կրակի մոտ:
Դանիլո Թյուրքը եղևնի է տնկել հիշատակի ծառուղում: Այնուհետև, Սլովենիայի նախագահն ու նրա գլխավորած պատվիրակությունն այցելել են Հայոց ցեղասպանության թանգարան, որտեղ Դանիլո Թյուրքը գրառում է կատարել հուշամատյանում:
/Panarmenian.net/
Просмотров: 498 |
Добавил: Voskanapat |
Дата: 11.10.2010
|
|
PanARMENIAN.Net - Հոկտեմբերի 9-ին Հայաստանի ԱԳ նախարար Էդվարդ Նալբանդյանը հանդիպեց պաշտոնական այցով Երևանում գտնվող Իրանի խորհրդարանի նախագահ Ալի Լարիջանիին:
Նախարար Նալբանդյանը բարձր գնահատեց երկու երկրների միջպետական հարաբերությունների կարևոր մաս կազմող խորհրդարանների միջև համագործակցությունը` շփումները թե օրենսդիր մարմինների ղեկավարների մակարդակով, թե խորհրդարանական բարեկամության խմբերի ձևաչափով:
Զրուցակիցներն անդրադարձան 2009 թ. ապրիլին Հայաստանի նախագահի Թեհրան կատարած պաշտոնական այցի ընթացքում ձեռք բերված պայմանավորվածությունների կատարման ընթացքին:
Просмотров: 495 |
Добавил: Voskanapat |
Дата: 11.10.2010
|
|
PanARMENIAN.Net - «Հզոր Թուրքիա» կուսակցության երիտասարդական թևը կուսակցության նախագահ Թունա Բեկլևիչի, փոխնախագահ Բեյբարս Օրսեկի և Կարսում կուսակցության բաժանմունքի ղեկավար Դունդար Գյուլտեկինի գլխավորությամբ անցել են հայ-թուրքական սահմանն Ախուրյան գետի մոտ:
Բեկլևիչի խոսքերով, եթե մինչև 2011-ը թուրքական սահմանը չբացվի, նույն ճանապարհով հայ և թուրք երիտասարդության 1000 ներկայացուցիչներ կհատեն սահմանը: «Մենք պահանջում ենք երկու երկրների կառավարություններից դրական պատասխան սահմանը բացելու վերաբերյալ»,- ասել է նա, հաղորդում է CIHAN թուրքական գործակալությունը:
/Panarmenian.net/
Просмотров: 498 |
Добавил: Voskanapat |
Дата: 11.10.2010
|
|
PanARMENIAN.Net - ՀՅ Դաշնակցության պատվիրակության ներկայացուցիչները կմասնակցեն ԱՊՀ, Կովկասի և սևծովյան ավազանի պետությունների երկրների Սոցինտերնի տարածաշրջանային կոմիտեի նիստին, որը տեղի կունենա հոկտեմբերի 11-12-ը Բաքվում: Այդ մասին Բաքվում մամլո ասուլիսում հայտարարել է Սոցինտերնի գլխավոր քարտուղար Լուիս Այալան:
Հայկական պատվիրակության մեջ կմտնեն Դաշնակցություն կուսակցության 3 ներկայացուցիչներ` Մարիո Նալբանդյանը, Կիրո Մանոյանը և Գևորգ Սինոսյանը: Նրանք կժամանեն Բաքու հոկտեմբերի 11-ին: Այալայի խոսքերով, միջոցառմանը կմասնակցեն նաև Մոլդովայի, Ղրղզստանի, Ղազախստանի, Վրաստանի, Ուկրաինայի և Բելառուսի պատվիրակությունների ներկայացուցիչներ: Նիստի ընթացքին կհետևեն Շվեդիայի, Հունգարիայի, Հունաստանի սոցիալիստական կուսակցությունների ներկայացուցիչները, հաղորդում է ԱՊԱ-ն:
...
Շարունակություն »
Просмотров: 512 |
Добавил: Voskanapat |
Дата: 11.10.2010
|
|
PanARMENIAN.Net - Գոյություն ունի դինամիկա Լեռնային Ղարաբաղի հակամարտության լուծման համար: Եվ տարածաշրջանին, և Եվրոպային, և աշխարհին անհրաժեշտ է նրա լուծումը, որն իր հետ խաղաղություն կբերի տարածաշրջան, Բաքվում հայտարարել է Սոցինտերնի գլխավոր քարտուղար Լուիս Այալան:
«Այդ հակամարտության լուծումը հարկավոր չէ հետաձգել տարիներով, անհրաժեշտ է լուծել այն հիմա: Ռազմական լուծումն անընդունելի է : Երկու կողմերը պետք է առաջ շարժվեն այդ հակամարտության լուծման համար, որպեսզի երկու ժողովուրդներն ապրեն խաղաղ: «Առանց խաղաղության տարածաշրջանում ոչինչ հնարավոր չէ»,- հայտարարել է նա:
Просмотров: 466 |
Добавил: Voskanapat |
Дата: 11.10.2010
|
|
|
