Блог
Главная »
2010 » Октябрь » 21 » ՀՀ փոխվարչապետն ընդունեց ՀԲ պատվիրակությանը
15:11 ՀՀ փոխվարչապետն ընդունեց ՀԲ պատվիրակությանը |
ՀՀ փոխվարչապետ, տարածքային կառավարման նախարար Արմեն Գևորգյանն այսօր ընդունեց Համաշխարհային բանկի (ՀԲ) պատվիրակությանը` հայաստանյան գրասենյակի նորանշանակ տնօրեն Ժան Միշել Հեփիի գլխավորությամբ: Հանդիպմանը ներկա էր նաև ՏԿՆ ջրային տնտեսության պետական կոմիտեի նախագահ Անդրանիկ Անդրեասյանը:
Ինչպես հայտնում է ՀՀ տարածքային կառավարման նախարարության հասարակայնության հետ կապերի բաժինը, ՀՀ փոխվարչապետը շնորհավորեց նորանշանակ տնօրենին և հաջողություն մաղթեց հետագա գործունեության մեջ` վստահություն հայտնելով, որ ՀԲ-ի հետ արդյունավետ, օգտակար համագործակցությունը կշարունակվի:
Կողմերը քննարկեցին ջրամատակարարման և ջրահեռացման համակարգերի հետագա կառավարման հետ կապված հարցեր: Մասնավորապես անդրադարձ եղավ «Հայջրմուղկոյուղի» ՓԲ ընկերությունը (որի կառավարման պայմանագրի ժամկետն ավարտվում է 2011 թ. հոկտեմբերին) վարձակալության հանձնելու և օպերատորի ընտրության գործընթացի վերաբերյալ ՀԲ-ի թիմի առաջարկներին:
Պայմանավորվածություն ձեռք բերվեց աշխատանքներում ներգրավել նաև ՀԲ-ի խորհրդատուի, որը կառավարությանը կօժանդակի վարձակալության հանձնման գործընթացը նախապատրաստելու, պայմաններն ու պարտավորություններն ամրագրելու հարցում:
Քննարկվեցին նաև ոլորտում կապիտալ ներդրումների և նպատակային ծրագրերի իրականացման համար ՀԲ-ից միջոցների ներգրավման հնարավորությունները:
/Aysor.am/
|
|
Просмотров: 522 |
Добавил: Voskanapat
| Рейтинг: 5.0/1 |
