Блог
Главная »
2010 » Октябрь » 4 » ԵՊԼՀ-ում բացվում է «Գերմաներենի և գերմանական մակույթի շաբաթը»
11:32 ԵՊԼՀ-ում բացվում է «Գերմաներենի և գերմանական մակույթի շաբաթը» |
Այսօր` ժամը 13։00-ին, Երևանի Վ. Բրյուսովի անվ. Պետական Լեզվաբանական Համալսարանում տեղի կունենա Վ. Բրյուսովի անվան պետական լեզվաբանական համալսարանի 75-ամյակին նվիրված «Գերմաներենի և գերմանական մակույթի շաբաթ»-ի բացումը:
Ինչպես տեղեկացնում են ԵՊԼՀ –ից, բացման արարողությանը ողջույնի խոսքով հանդես կգան ԵՊԼՀ-ի ռեկտոր դոկտոր, պրոֆեսոր Սուրեն Զոլյանը, Հայաստանում Գերմանիայի Դաշնային Հանրապետության դեսպան պրն Հանս-Յոխեն Շմիդթը, իրենց մասնակցությամբ միջոցառումը կպատվեն նաև Հայաստանում գործող մի շարք գերմանական կազմակերպությունների ներկայացուցիչներ՝ Սիլվա Սեբուս /ZFA/, Թինա Լաուֆեր /DAAD/, Մելանյա Աստվածատրյան /DLKZ/, Վիկտոր Վուխերեր, Էդուարդ Սարոյան /Armenius/ADG/ դեսպանատան այլ ներկայացուցիչներ, որոնք բացման արարողությունից անմիջապես հետո ելույթ կունենա իրենց զեկույցներով։
Հատկանշական է նաև այն փաստը, որ ԵՊԼՀ-ում գերմաներենի ամբիոնը առաջին օտար լեզվի ամբիոնն է եղել և այն ստեղծվել է 1936թ.։ Այդ իսկ պատչառով մենք կարևորում ենք Գերմաներենին և գերմանական մշակույթին նվիրված շաբաթը, որը հնարավորություն կտա ավելի մանրամասն անրադառնալ գերմաներենի և գերմանական մշակույթի տարածման խնդիրներին Հայաստանում, դրանց ուսուցման և դասավանդման մեթոդներին։ Այն ունի մեծ կարևորություն և կնպաստի Հայաստանի և Գերմանիայի Դասծնային Հանրապետության բարեկամական հարաբերությունների ամրապնդմանը։
/Aysor.am/
|
|
Просмотров: 555 |
Добавил: Voskanapat
| Рейтинг: 0.0/0 |
