Блог
Главная »
2010 »
Октябрь »
13 » Աշխարհի հայ լրագրողները հավաքվել են Արցախի մայրաքաղաք Ստեփանակերտում
14:44 Աշխարհի հայ լրագրողները հավաքվել են Արցախի մայրաքաղաք Ստեփանակերտում |
PanARMENIAN.Net - Հոկտեմբերի 12-ին Արցախի մայրաքաղաք Ստեփանակերտում մեկնարկեց «21-րդ դարի մարտահրավերները. Տեղեկատվական անվտանգությունը և հայ լրատվությունը» խորագրով ԶԼՄ-ների համահայկական 5-րդ համաժողովը: Ինչպես հաղորդում է PanARMENIAN.Net ի թղթակիցը Ստեփանակերտից, ՀՀ սփյուռքի նախարարության ու Հայերի համաշխարհային կոնգրեսի համատեղ կազմակերպված համաժողովին մասնակցում են հայկական ԶԼՄ-ների շուրջ 200 ներկայացուցիչներ աշխարհի 26 երկրներից:
Ողջունելով համաժողովի մասնակիցներին՝ սփյուռքի նախարար Հրանուշ Հակոբյանը հայտարարել է, որ այս համաժողովն առանձնահատուկ է նաև այն պատճառով, որ անցնում է հայ ժողովրդի հպարտությունն ու ոգին մարմնավորող Արցախում: Նա հույս է հայտնել, որ հայկական ԶԼՄ-ները տեղեկատվական պատերազմում միշտ կհաղթեն, ինչպես հաղթեցին Արցախյան պատերազմում: Հրանուշ Հակոբյանը նշել է նաև, որ առաջին անգամ համաժողովի աշխատանքին հնարավոր կլինի հետևել օնլայն-ռեժիմով:
/Panarmenian.net/
|
|
Просмотров: 471 |
Добавил: Voskanapat
| Рейтинг: 0.0/0 |
