Блог
Главная »
2011 »
Март »
25 » ՏՄՊՊՀ պատվիրակությունը մեկնել է Ռուսաստան
12:35 ՏՄՊՊՀ պատվիրակությունը մեկնել է Ռուսաստան |
ՏՄՊՊՀ պատվիրակությունը նախագահ Ա. Շաբոյանի գլխավորությամբ մեկնել է ՌԴ` մասնակցելու ԱՊՀ անդամ պետությունների հակամենաշնորհային քաղաքականության միջպետական խորհրդի հատուկ նիստին` նվիրված պետական պատվերի տեղադրման համակարգի զարգացման խնդիրներին:
Տեղեկատվության համաձայն, նիստն անցկացվում է «Պետպատվեր 2011» ֆորում- ցուցահանդեսի շրջնակներում, որի բացման պաշտոնական արարողությանը ներկա էր նաև ՌԴ Վարչապետ Վ.Պուտինը: Այս միջոցառումը գնահատվում է որպես երկխոսության արդյունավետ հարթակ պատվիրատուների և մատակարարների միջև: Հայաստանյան կողմն այս առումով հետաքրքրված է էլեկտրոնային աճուրդների ներդրման միջոցով պետգնումների թափանցիկ, մրցունակ և ինովացիոն համակարգի ստեղծման ռուսաստանյան փորձին ծանոթանալու հնարավորությամբ:
«Հենց այս համակարգն է, մեր կարծիքով, պետգնումների նկատմամբ հավասարաչափ մատչելիություն ապահովելու համար լրացուցիչ գործիքներ ստեղծում, այդ թվում նաև` փոքր բիզնեսի համար` դրանով իսկ բարձրացնելով պետպատվերի որակն ու վստահելիությունը», - զեկույցով հանդես գալով համաժողովի պատվիրակների առաջ նշել է ՀՀ ՏՄՊՊՀ նախագահ Ա. Շաբոյանը: Նա նաև ընդգծել է, որ փոքր ու միջին ձեռնարկատիրության զարգացումը ՀՀ կառավարության տնտեսական քաղաքականության հիմնական ուղղություններից է:
/Panorama.am/
|
|
Просмотров: 402 |
Добавил: Voskanapat
| Рейтинг: 0.0/0 |
