Блог
Главная »
2011 »
Март »
28 » Ստամբուլում մեկնարկել է Դինքի սպանության գործով 17-րդ դատական նիստը
16:26 Ստամբուլում մեկնարկել է Դինքի սպանության գործով 17-րդ դատական նիստը |
Ստամբուլի ծանր հանցագործությունների քննող դատարանում մեկնարկել է «Ակոս» երկլեզու (հայերեն, թուրքերեն) շաբաթաթերթի սպանված խմբագրապետ Հրանտ Դինքի գործով 17-րդ դատական նիստը, որին ներկա են գտվել հիշյալ քրգործով որպես կասկածյալ անցնող Էրհան Թունջելը, Յասին Հայալը, Սալի Հաջը Սալիհօղլուն և Էրսին Յոլջուն:
Դատավարության ընթացքին հետևում են Փարիզից և Բրյուսելից ժամանած փաստաբաններ, ընդդիմադիր «ժողովրդահանրապետական կուսակցության» (ԺՀԿ-CHP) պատգամավոր Չեթին Սոսյալը, «Խաղաղություն և ժողովրդավարություն» կուսակցության (ԽԺԿ-BDP) պատգամավոր Ուֆուք Ուրասը, լրագրողներ Ալի Բայրամօղլուն և Օրալ Չալիշլարը, ինչպես նաև Դինքի ընտանիքի անդամներն ու դատապաշտպանները:
Նշենք, որ սպանությունը կատարած Օգյուն Սամասթի գործը օրենսդրական փոփոխություններից հետո տեղափոխվել է անչափահասների գործերով զբաղվող դատարանի վարույթ: Դատարանի այդպիսի որոշման համար հիմք էր ծառայել այն հանգամանքը, որ հանցագործության կատարման պահին Սամասթը եղել է 17 տարեկան, այսինքն` անչափահաս:
Դինքի սպանությունից անցել արդեն ավելի քան 4 տարի, մինչդեռ թուրքական արդարադատությունը դեռ արժանավորապես չի պատժել հանցագործին ու հանցախմբին: Ցուցաբերած անվճռականության համար թուրքական դատաիրավական համակարգն արժանացել է միջազգային համայնքի խիստ քննադատությանը ու մասնավորապես դատապարտվել Մարդու իրավունքների եվրադատարանի կողմից:
/Panorama.am/
|
Просмотров: 471 |
Добавил: Voskanapat
| Рейтинг: 0.0/0 |