Ռուսական «Տրոյկա դիալոգ» ընկերությունների խմբի տնօրենների խորհրդի նախագահ Ռուբեն Վարդանյանը «Վեդոմոստի» թերթի հետ զրույցում հատարարել է, թե «Տրոյկա Դիալոգ» ընկերությունը որոշել է վաճառել դեռ 20 տարի առաջ: «Դեռ 20 տարի առաջ…որոշեցի, որ վաղ թե ուշ ես կլքեմ այդ բիզնեսը, որովհետև դա իմ ողջ կյանքի բիզնեսը չէր», - ասել է Վարդանյանը, պատասխանելով լրագրողի այն հարցին, թե երբ է կայացրել ընկերության վաճառքի մասին որոշումը:
«Կան բաներ, որոնք ողջ կյանքի համար են, որոշները՝ ժամանակավոր», - ասել է Վարդանյանը, հավելելով, թե գիտակցել է, որ մինչև թոշակի անցնելը չի պատրաստվում բանկային ներդումային գործունեությամբ զբաղվել:
Ռուբեն Վարդանյանը նշել է նաև, թե «Սբերբանկը» լավագույն թեկնածուն էր վաճառքի գործարքը կատարելու համար: «Դա հսկայական յուրօրինակ բանկ է, որը հիմա ձևափոխվում է, և որտեղ նոր թիմ է աշխատում նպատակասլաց առաջնորդի ղեկավարությամբ», - ասել է հայազգի գործարարը ու նշել, թե գործընկերության լավագույն պայմանները «Սբերբանկից» զատ դժվար էր պատկերացնել:
/Panorama.am/
|