«Ես հավատում եմ, որ ԵՄ քաղաքականությունը լուրջ ծրագիր է բոլոր այն հարցականներով, որ առաջ էին քաշվում քաղաքացիական հասարակության կողմից: Ծրագրի հիմնական նպատակն է անդամ-երկրներին ավելի մոտեցնել Եվրոպային և կարող եմ վստահ ասել նաև, որ հիմնական նպատակները կատարվել են»,- հայտարարեց Հայաստանում ԵՄ պատվիրակության ղեկավար, դեսպան Ռաուլ դե Լուցենբերգերը «Մասնակցային եվրոպական ինտեգրում խորագիրը կրող համաժողովի ժամանակ:
Համաժողովը կազմակերպվել է քաղաքական և իրավական խորհրդատվության հայ-եվրոպական կենտրոնը Հայաստանում ԵՄ խորհրդատվական խմբի և Մարդկային զարգացման միջազգային կենտրոնի հետ համատեղ:
Նա նաև կարևորեց Հայաստանի հետ Եվրամիության բանակցային գործընթացները , առավել ևս, որ մեր երկիրն սյժմ գտնվում է բանակցային կարևոր` չորրորդ փուլում: Բացի այդ նա նկատում է, որ Հայաստանն եվրաինտեգրման առումով արագ աճ է արձանագրում, ինչը գալիս է թե՛ կառավարությունից, թե՛ հասարակությունից ստացվող դրական արձագանքից: «Եվրամիությունը բացել է դուռը և Հայաստանն անցնում է այդ դռնով: Մենք ցանկություն ունենք ամբողջապես ՀՀ քաղաքացիական հասարակությունն ինտեգրել Եվրոպական քաղաքացիական հասարակության մեջ և հետաքրքրված ու սպասում ենք իրական երկխոսության ծավալում»,- հավելեց Ռաուլ դե Լուցենբերգերը:
/Panorama.am/
| 
