«Իրոք, հակառակորդը ակտիվացրել է դիպուկահար գործողությունները` փորձելով հավելյալ լարվածություն հաղորդել հակամարտությանը: Կցանկանայի նշել, որ հակառակորդի որևէ սադրանք անպատիժ չի մնում: Մենք, որպես կանոն, պատժում ենք խստորեն, իսկ նրանց մարդկային կորուստների մասին հայտարարելը մեր գործը չէ: Տարբեր ուսումնասիրություններ վկայում են, որ Ադրբեջանի սանձազերծած սադրանքները ավարտվում են ադրբեջանցիների ավելի մեծ կորուստներով: Ցավոք, նրանք դեռևս դրանից դասեր չեն քաղում»,- այս մասին հայտարարությամբ հանդես է եկել ՊՆ մամուլի քարտուղար Դավիթ Կարապետյանը, ի պատասխան այն հարցին, թե հայկական կողմը ռազմական առումով արդյոք չի կիրառում դիպուկահարների կրակոցով հայ զինվորներին սպանա ծհակառակորդին պատժելու գործողություններ ու բավարարվում է միայն հայտարարություններով:
Ինչ վերաբերում է Ադրբեջանի կողմից հնչող այն սպառնալիքին, ըստ որի, Ստեփանակերտի նորակառույց օդանավակայանում չվերթների դեպքում հայկական օդանավերը կենթարկվեն հրթիռակոծման, ապա Դ. Կարապետյան ն ասել է. «Ադրբեջանի ղեկավարության ագրեսիվ և ռազմատենչ վարքագիծը հանգեցրել է նրան, որ ռազմամոլությունը այդ երկրում համակել է նաև քաղաքացիական պաշտոնյաներին, այդ թվում` ինչքան էլ տարօրինակ լինի քաղաքացիական ավիացիայի ղեկավարին: Հայկական զինված ուժերի հակաօդային պաշտպանության կարողությունները ի զորու են պաշտպանել մեր երկինքը, իսկ հակառակորդի ցանկացած արկածախնդրության փորձ կավարտվի նրա մեծ կորուստներով»:
/Panorama.am/
|
