Блог
Главная »
2011 »
Март »
28 » «Pia.az». Ալիևի կողմից Նովրուզը մեկ օր շուտ նշելը կապված է եղել ահաբեկչական վտանգի հետ
16:44 «Pia.az». Ալիևի կողմից Նովրուզը մեկ օր շուտ նշելը կապված է եղել ահաբեկչական վտանգի հետ |
Ադրբեջանի նախագահ Իլհամ Ալիևը Նովրուզը նշել է ոչ թե պաշտոնապես նշվող մարտի 20-ին, այլ մարտի 19-ին, ինչը տարատեսակ մեկնաբանությունների և կասկածների տեղիք է տվել հասարակության մեջ:
«Pia.az» լրատվական կայքին հայտնի է դարձել, որ իրականում պետության ղեկավարի` Նովրուզը մարտի 19-ին նշելու հանգամանքը կապված է Ադրբեջանում անվտանգության միջոցառումներ ձեռք առնելու հետ:
Ինչպես պնդում են կայքի աղբյուրները, Ադրբեջանի հատուկ ծառայությունները տեղեկացվել են Իրանից ժամանած մի խմբի կողմից մարտի 20-ին սադրանք կազմակերպելու մասին: Ըստ կայքի, այդ տեղեկությունները Բաքվին հաղորդվել են ԱՄՆ-ի կամ Իսրայելի հատուկ ծառայությունների կողմից:
«Ամեն տարի Նովրուզի տոնակատարության ժամանակ Իրանից մեծ թվով զբոսաշրջիկներ են ժամանում Բաքու: Այս տարի նրանց թիվը կազմել է մոտ 30 հազար: Այժմ Իրանից Ադրբեջան ժամանող յուրաքանչյուր զբոսաշրջիկ լրջորեն ստուգվում է»,- գրում է կայքը:
Կայքը հիշեցնում է, որ ԱՄՆ-ի և Իսրայելի կառավարությունները, ինչպես նաև Ադրբեջանում այդ երկրի դիվանագիտական ներկայացուցչությունները, որոշ ժամանակ առաջ բացահայտ կերպով զգուշացրել են ադրբեջանական կառավարությանը` Բաքվում հնարավոր ահաբեկչության մասին: /Panorama.am/
|
Просмотров: 403 |
Добавил: Voskanapat
| Рейтинг: 0.0/0 |