«Սոչիում մարտի 5-ին կայացած եռակողմ հանդիպումից հետո ԵԱՀԿ Մինսկի խումբը ստացավ մի նոր գործառույթ»,-այս մասին այսօր լրագրողների հետ հանդիպման ժամանակ ասաց Ռազմավարական և ազգային հետազոտությունների հայկական կենտրոնի ավագ փորձագետ Մանվել Սարգսյանը:
Նրա խոսքով, այդ նոր գործառույթը ԵԱՀԿ Մինսկի խմբի համանախագահների հովանու ներքո և ԵԱՀԿ գործող նախագահի հատուկ ներկայացուցչի աջակցությամբ շփման գծում կողմերի մասնակցությամբ հնարավոր միջադեպերի հետաքննության անցկացումն է:
Մ.Սարգսյանը հայտնեց, որ առաջին իսկ փորձը` ուսումնասիրելու հայ զինվորի սպանության դեպքը, ցույց տվեց, որ Ադրբեջանը հրաժարվում է մասնակցելու հետաքննությանը, քանի որ դա Ադրբեջանի համար լուրջ խնդիր է:
«Մինսկի խմբի նոր գործառույթը Ադրբեջանին դրել է բարդ վիճակի մեջ և Ադրբեջանն այն փորձում է բոյկոտել»,- հավելեց նա:
Ըստ բանախսի, այսօր ԼՂ բանակցային գործընթացն առկախ վիճակում է: «Այն չի կարող շարունկավել, եթե չեն լուծվում վերոնշյալ խնդիրները»:
Ըստ նրա, ԼՂՀ կարգավորման հարցում Ադրբեջանը երբեք իր դիրքորոշումը չի փոխել:
«Այս 20 տարիների ընթացքում Ադրբեջանն զբաղված էր ամեն կերպ ընդգծել սեփական իրավունքն այդ տարածքի վրա»,- ասաց բանախսը:
Մ. Սարգսյանը, խոսելով պատերազմի վերսկսման հնարավորությունի մասին, նշեց, որ պատերազմի վերսկսման հնարավորությունը բարդանում է կողմերի համար, քանի որ ակնհայտ է, թե ինչպես է ժամանակակից աշխարհն անդրադառնում տարբեր ագրեսիվ դրսևորումներին:
«Ադրբեջանը շատ լավ հասկանում է, որ պատերազմի վերսկսման դեպքում կարող է շատ մեծ խնդիրներ ունենալ»,- ասաց փորձագետը:
/Panorama.am/
| 
