Блог
Главная »
2011 »
Март »
31 » Նախագահ Սարգսյանը Կալմի-Ռեյին հրավիրել է Գրքի մայրաքաղաք
15:51 Նախագահ Սարգսյանը Կալմի-Ռեյին հրավիրել է Գրքի մայրաքաղաք |
Պատոնական այցով Երևանում գտնվող Շվեյցարիայի Համադաշնության նախագահ Միշելին Քալմի-Ռեյը ՀՀ նախագահ Սերժ Սարգսյանի կողմից հաջորդ տարի ևս Հայաստան այցելելու հրավեր է ստացել: Այս մասին հայտնեց նախագահ Սարգսյանը` շվեցարացի գործընկերոջ հետ հանդիպումից հետո կայացած համատեղ մամլո ասուլիսում:
Խոսելով մշակույթի ոլորտում Հայաստանի և Շվեյցարիայի համագործակցության մասին` հանրապետության ղեկավարը հայտնեց, որ այս տարվա ապրիլ-մայիս ամիսներին Շվեյցարիայում կայանալիք Գրքի 25-րդ միջազգային ցուցահանդեսում պատվավոր հյուրի կարգավիճակով մասնակցելու է նաև Հայաստանը:
«Ես էլ սիրով հրավիրեցի շվեյցարական կողմին, մասնավորապես, տիկին Նախագահին` մասնակցելու 2012թ. Գրքի համաշխարհային մայրաքաղաք հռչակված Երևանում կայանալիք միջոցառումներին: Այս միջոցառումներով մենք նշելու ենք հայատառ գրքի տպագրության 500-ամյակը»,- նշեց Սերժ Սարգսյանը:
Իր հերթին տիկին Կալմի-Ռեյը ևս կարևորեց կենսագործունեության տարբեր ոլորտներում երկկողմ համագործակցության խորացումն ու ընդգծեց. «Շատ ուրախ եմ, պարոն Նախագահ, գալիք մայիս ամսին Շվեյցարիա Ձեր այցի կապակցությամբ»:
/Panorama.am/
|
Просмотров: 490 |
Добавил: Voskanapat
| Рейтинг: 0.0/0 |