Блог
Главная »
2011 »
Март »
18 » Նալբանդյանը համաձայն չէ Հայաստան-ԵՄ համագործակցության թերի լինելու մասին գնահատականներին
16:14 Նալբանդյանը համաձայն չէ Հայաստան-ԵՄ համագործակցության թերի լինելու մասին գնահատականներին |
Հայաստան-Եվրոպական Միության համագործակցության վերաբերյալ Եվրամիության բարձրաստիճան պաշտոնյաների գնահատականները դրական են: Այդ մասին այսօր ասուլիսում հայտարարեց Հայաստանի արտգործնախարար Էդվարդ Նալբանդյանը` մեկնաբանելով հայաստանյան հասարակական կազմակերպություններից մեկի ղեկավարի այն տեսակետը, թե Հայաստան-ԵՄ համագործակցությունը թերի է:
Որպես ամենաթարմ օրինակ նախարար Նալբանդյանը մատնանշեց վարչապետ Տիգրան Սարգսյանի այցելությունը Բրյուսել, երբ Եվրամիության կողմից դրական գնահատական տրվեց Հայաստանի և Եվրոպական Միության միջև համագործակցությանը:
«Ես ձեզ ևս մի օրինակ էլ բերեմ. վերջերս, երբ Վիշեգրադ+ հանդիպմանն էի Բրատիսլավայում և այնտեղ քննարկվում էր Արևելյան Գործընկերության ձևաչափով համագործակցությունը, և տարբեր երկրներ ներկայացնում էին բանակցությունների գործընթացները Եվրամիության և իրենց երկրների միջև, երկրներից մեկը, որը զգալի առաջընթաց էր արձանագրել, հայտարարեց, որ իրենք բանակցությունների ընթացքում փակել են արդեն քննարկվող հարցերի ութ գլուխ: Երբ հերթը հասավ ինձ, ես համեստորեն ասացի, որ մենք էլ վատ չենք ընթանում և մենք փակել ենք տասներեքը», -հայտարարեց Նալբանդյանը:
/Panorama.am/
|
|
Просмотров: 447 |
Добавил: Voskanapat
| Рейтинг: 0.0/0 |
