Блог
Главная »
2011 »
Март »
28 » Լիբանան-Հայաստան բարեկամական ասոցիացիան զարգացնում է գործունեությունը
14:46 Լիբանան-Հայաստան բարեկամական ասոցիացիան զարգացնում է գործունեությունը |
Բեյրութում Հայաստանի դեսպանատանը տեղի է ունեցել Լիբանան-Հայաստան բարեկամական ասոցիացիայի հիմնադիր անդամների երկրորդ հանդիպումը: Ինչպես տեղեկացնում են ՀՀ Արտգործնախարարությոան մամլո ծառայությունից, Լիբանանում Հայաստանի դեսպան Աշոտ Քոչարյանը շնորհավորել է ներկաներին պաշտոնական գրանցման հետ կապված բոլոր ընթացակարգային գործընթացներն ավարտելու կապակցությամբ: Նա համոզմունք է հայտնել, որ նորաստեղծ ասոցիացիան իր անդամների մեծ ներուժի եւ ակտիվ գործունեության շնորհիվ ավելի կխորացնի եւ կընդլայնի հայ-լիբանանյան երկկողմ բարեկամական հարաբերությունները տարբեր փոխշահավետ ոլորտներում:
Լիբանան-Հայաստան բարեկամական ասոցիացիայի նախագահ միաձայն ընտրվել է հայտնի գործարար, հայ ժողովրդի մեծ բարեկամ Պիեռ Ֆատտուշը: Ընտրվել են նաեւ ասոցիացիայի տնօրենների խորհրդի անդամները: Լիբանանում Հայաստանի դեսպանին առաջակվել է ասոցիացիայի պատվավոր նախագահի պաշտոնը:
Քննարկվել եւ ուրվագծվել են նաեւ ասոցիացիայի հետագա գործունեության առանցքային ուղղությունները: Ստեղծվել է աշխատանքային խումբ, մայիսի սկզբին կազմակերպվելիք պաշտոնական միջոցառմանն առնչվող աշխատանքները համակարգելու նպատակով:
Ասոցիացիայի գլխավոր նպատակն է զարգացնել եւ ընդլայնել Լիբանանի եւ Հայաստանի երկկողմ հարաբերությունները, մասնավորապես առեւտրատնտեսական, մշակութային, կրթական, առողջապահական, զբոսաշրջության եւ այլ ոլորտներում, ինչպես նաեւ բացահայտել նոր հնարավորություններ փոխադարձ հետաքրքրություն ներկայացնող ներդրումային ծրագրերի իրականացումը խրախուսելու նպատակով:
/Times.am/
|
Просмотров: 455 |
Добавил: Voskanapat
| Рейтинг: 0.0/0 |