Блог
Главная »
2010 » Декабрь » 3 » ԼՂ անկախության ճանաչման նախագիծը «գուցե կհետաձգվի»
14:19 ԼՂ անկախության ճանաչման նախագիծը «գուցե կհետաձգվի» |
«Ես չեմ համարում, որ «Ժառանգություն» կուսակցությունը կամ մեկ այլ ընդդիմադիր կուսակցություն Հայաստանի աճող շահերի հակառակորդն է»,- լրագրողների հետ հանդիպման ժամանակ, խոսելով «Ժառանգություն» խմբակցության` ԼՂ անկախությունը ճանաչելու օրինագծի մասին, նման կարծիք հայտնեց ԱԺ հանրապետական խմբակցության փոխնախագահ Ռազմիկ Զոհրաբյանը:
Հիշեցնենք, որ «Ժառանգություն» խմբակցության պատգամավորների հեղինակած` Լեռնային Ղարաբաղի անկախության ճանաչման նախագծի քննարկումը հետաձգվել էր մինչև դեկտեմբերի 9-ը` Աստանայում կայանալիք ԵԱՀԿ գագաթնաժողովի աշխատանքների ավարտը:
«Կարծում եմ` փոխզիջումային տարբերակ էլի կգտնենք և գուցե կհետաձգվի, որովհետև Աստանայում Հանրապետության նախագահի երեկվա ելույթը բավականին բան ասաց: Կարծում եմ` դրա հետ կհամաձայնեն նաև, եթե ոչ պաշտոնապես, այլ ներքին կարգով, և’ «Ժարանգությունը», և’ մյուս ընդդիմադիր ուժերը: Ի վերջո, մենք պետք է մեր ազգային շահերը վեր դասենք քաղաքական շահերից»- ընդգծեց ՀՀԿ փոխնախագահը: /Aysor.am/
|
|
Просмотров: 516 |
Добавил: Voskanapat
| Рейтинг: 5.0/1 |
