Блог
Главная »
2011 »
Март »
3 » ՀՀ ԱԳ նախարարը հանդիպել է ԵԱՀԿ գլխավոր քարտուղարին
16:11 ՀՀ ԱԳ նախարարը հանդիպել է ԵԱՀԿ գլխավոր քարտուղարին |
Մարտի 2-ին շարունակվեց Հայաստանի արտգործնախարարի պաշտոնական այցելությունը Ավստրիա: Ինչպես հայտնում են ՀՀ ԱԳՆ մամուլի և տեղեկատվության վարչությունից, աշխատանքային առաջին հանդիպումը ԵԱՀԿ գլխավոր քարտուղար Մարկ Պերեն դե Բրիշամբոյի հետ էր:
Զրուցակիցները քննարկեցին ԵԱՀԿ գործունեության տարբեր ոլորտներին առնչվող հարցեր, մտքեր փոխանակեցին կազմակերպության բարեփոխումների շուրջ:
Նախարար Նալբանդյանը նշեց, որ Հայաստանը կարևորում է ԵԱՀԿ դերը Եվրոպայում անվտանգության և համագործակցության ապահովման գործում, և շարունակելու է գործուն մասնակցությունը կազմակերպության գործունեության բոլոր հարթություններում:
ԵԱՀԿ գլխավոր քարտուղարի խնդրանքով Հայաստանի ԱԳ նախարարը ներկայացրեց արցախյան հիմնախնդրի կարգավորման բանակցային գործընթացի վերջին զարգացումները՝ ՌԴ Նախագահի նախաձեռնությամբ և ներկայությամբ մարտի 5-ին Սոչիում կայանալիք Հայաստանի և Ադրբեջանի Նախագահների հանդիպման նախաշեմին: /Aysor.am/
|
|
Просмотров: 463 |
Добавил: Voskanapat
| Рейтинг: 0.0/0 |
