Блог
Главная »
2011 »
Март »
15 » Հայաստանի անկախության 20-ամյակին նվիրված միջոցառումները ԱՄՆ-ում մեկնարկել են
15:30 Հայաստանի անկախության 20-ամյակին նվիրված միջոցառումները ԱՄՆ-ում մեկնարկել են |
Հայաստանի Հանրապետության անկախության 20-ամյա տարեդարձին նվիրված միջոցառումները մեկնարկել են` մարտի 11-ին Բոստոնում, մարտի 12-ին Նյու Ջերսիում և մարտի 13-ին Վաշինգտոնում տեղի ունեցան առաջին համայնքային միջոցառումները, տեղեկացնում են ԱԳՆ լրատվական ծառայությունից: Միջոցառումները, որոնք ուղեկցվել են տոնական համերգներով, կազմակերպվել էին Համազգային Հայ կրթական և մշակութային միության կողմից:
Մարտի 12-ին Նյու Ջերսիում կազմակերպված տոնական երեկոյի ընթացքում ելույթով հանդես է եկել ՄԱԿ-ում ՀՀ մշտական ներկայացուցիչ դեսպան Կարեն Նազարյանը, ով, ողջունելով ու շնորհավորելով անկախության հոբելյանական տարեթվին նվիրված երեկոյի մասնակիցներին, նշել է, որ այսօր Հայաստանը բռնել է վերելքի ու զարգացման ճանապարհը` չնայած իր հարևանների կողմից շարունակվող անօրինական շրջափակմանը, Արցախի ու Ադրբեջանի միջև շփման գծում հաճախակի դարձած զինադադարի խախտումներին ու ահաբեկչական սադրիչ գործողություններին, որոնք չեն կարող Հայաստանին շեղել իրավական պետության ու քաղաքացիական հասարակության ամրապնդմանն ուղղված իր նպատակներից:
Ելույթ ունենալով Վաշինգտոնում կազմակերպված բազմամարդ միջոցառմանը` ԱՄՆ-ում ՀՀ դեսպան Թաթուլ Մարգարյանն ընդգծել է, որ մեր ազգային միասնությունը, Հայաստանի անկախ պետականության շուրջ ողջ ազգի համախմբվածությանը լավագույն երաշխիքն են հասնելու մեր ազգային իղձերի իրականացմանը: Հանդիսավոր մասից հետո շնորհաշատ հայ երիտասարդ երաժիշտները ("Element Band”) հանդես են եկել հայկական ժողովրդական երգերի իրենց ուրույն մեկնաբանությամբ` երգերին հաղորդելով ժամանակակից շունչ:
/Panorama.am/
|
Просмотров: 416 |
Добавил: Voskanapat
| Рейтинг: 0.0/0 |