Блог
Главная »
2011 »
Март »
28 » Գանայի նորանշանակ դեսպանը Երևանում է
16:33 Գանայի նորանշանակ դեսպանը Երևանում է |
Այսօր արտգործնախարար Էդվարդ Նալբանդյանն ընդունել է Հայաստանում Գանայի նորանշանակ դեսպան Սեթ Կորանտենգին (Seth Koranteng, նստավայրը Մոսկվա)՝ հավատարմագրերի պատճենի հանձնման կապակցությամբ:
Շնորհավորելով հյուրին՝ նախարար Նալբանդյանը հաջողություններ է մաղթել նրան իր նոր առաքելության մեջ և հույս հայտնել, որ ՀՀ-ում Գանայի դեսպանն իր գործունեությամբ կնպաստի հայ-գանայական կապերի զարգացմանը` ամուր հիմքեր ստեղծելով դրանց խորացման համար:
Դեսպան Կորանտենգը շնորհակալություն է հայտնել բարեմաղթանքների համար, ընդգծելով, որ իր երկիրը շահագրգռված է Հայաստանի հետ համագործակցության ընդլայնմամբ և զարգացմամբ, և վստահեցրել է, որ կանի առավելագույնը երկկողմ համագործակցության ընդլայնման համար:
ԱԳՆ-ից հայտնում են, որ հանդիպման ընթացքում զրուցակիցները քննարկել են տարբեր բնագավառներում երկկողմ հարաբերությունների առավել խորացմանն առնչվող հարցեր՝ իրավապայմանագրային դաշտի ստեղծման, տնտեսական համագործակցության խթանման, միջազգային կազմակերպություններում Հայաստանի և Գանայի համագործակցությանն առնչվող հարցեր:
/Panorama.am/
|
|
Просмотров: 416 |
Добавил: Voskanapat
| Рейтинг: 0.0/0 |
